Bağlanmış iş yerlərinin təhlili aparılacaq
13:09 10 İyul 2018
"Ağır vəziyyətdə yaşayan, hələ də işsiz olan vətəndaşlar üçün biz yeni şərait yaratmalıyıq. Azərbaycanda iş yerlərinin yaradılması prosesi daim aparılmalıdır. Mən giriş sözümdə dedim ki, 58 min yeni daimi iş yeri açılıb. Ancaq, eyni zamanda, 20 mindən çox iş yeri bağlanıb. Əgər bu rəqəmlərə baxsaq görərik ki, yenə də dinamika müsbətdir. Ancaq bağlanmış iş yerlərinin təhlili aparılmalıdır. Hansı səbəblərə görə bu iş yerləri bağlanıb və o iş yerlərini itirən vətəndaşlar hansı işlərlə təmin olunub və olunubmu, yoxsa yox?"
Femida.az bildirir ki, bunu Prezident İlham Əliyev Nazirlər Kabinetinin 2018-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında deyib.
"Bizim özünüməşğulluq proqramına böyük ümidlərimiz var. Bu proqram həm iqtisadi inkişafımıza təkan verəcək, xüsusilə regionlarda həm məşğulluq probleminin həllini sürətləndirəcək, eyni zamanda, bəzi vətəndaşlarımızı ələbaxımlıq vərdişindən çəkindirəcək. Özünüməşğulluq proqramını icra etmək üçün indi kifayət qədər vəsait var. Hesab edirəm ki, hər il 6-7 min insan bu proqrama cəlb olunarsa, bir neçə ildən sonra heç sosial yardıma da ehtiyac qalmayacaq və insanlar öz halal zəhmətləri ilə pul qazanacaqlar, ailələrini saxlayacaqlar və ölkə iqtisadiyyatına töhfələrini verəcəklər", - deyə ölkə başçısı əlavə edib.
Femida.az
Oxunub: 534
Oxşar xəbərlər
- Bağlanmış bankların əmanətçilərinə 641 mln manatdan artıq kompensasiya ödənilib
- Bağlanmış bankların 24 min əmanətçisinə kompensasiya ödənilib
- Bağlanmış 4 bankın əmanətçilərinə 532 milyon ödənilib
- Bağlanmış 4 bankın əmanətçilərinə 517 milyon manat kompensasiya ödənilib
- Bağlanmış bankların əmanətçilərinə 480 milyon manat ödənilib
- Bağlanmış banklarda pulu olanlara şad xəbər - Pullar qaytarılır
- Bağlanmış universitet dövlət idarəsini məhkəməyə verdi - SƏBƏB
- Bağlanmış banklarda kreditlərinin restrukturizasiyasına başlanılıb
- Bağlanmış bu yol axşam açılacaq
- Bağlanmış bankların 11 maşını satışa çıxarıldı