Cüdoçularımız Çexiyada 8 medal qazandılar
13:13 22 İyul 2018
Çexiyanın paytaxtı Praqa şəhərində gənc cüdoçuların Avropa Kuboku yarışı keçirilir.
Femida.az xəbər verir ki, mötəbər turnirin ilk günü millimiz üçün uğurlu olub. Belə ki, təmsilçilərimiz 2 qızıl, 2 gümüş və 4 bürünc medal qazanıblar.
Rövşən Əliyev (55 kq) və Şəfəq Həmidova (44 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Balabəy Ağayev (55 kq) və Yaşar Nəcəfov (60 kq) Avropa Kubokunun gümüş medallarına yiyələniblər. Tofiq Məmmədov (60 kq), Nurlan Osmanov (66 kq), Ramilə Əliyeva (44 kq) və Gültac Məmmədəliyeva (52 kq) isə bürünc medal qazanıblar.
Bununla da, millimiz Avropa Kuboku yarışının birinci günündə medalların əyarına və sayına görə ilk pillədə qərarlaşıb.
Qeyd edək ki, 39 ölkədən 430 (280 oğlan, 150 qız) cüdoçunun qüvvəsini sınadığı qitə turnirdə Azərbaycan millisi 17 (12 oğlan, 5 qız) cüdoçu ilə təmsil olunur.
Femida.az
Oxunub: 637
Oxşar xəbərlər
- Cüdoçularımız ilk dəfə dünya çempionatının finalına yüksəlib
- Cüdoçularımızın rəqibləri məlum oldu
- Cüdoçularımız Avropa kubokunda 4 medal qazandılar
- Cüdoçularımız 1 qızıl və 3 bürünc medal qazanıb
- Cüdoçularımız Avropa kubokunun finalına çıxdı
- Cüdoçularımız İspaniya turnirinə uğurla başladılar
- Cüdoçularımız Təl-Əvivdə qızıl və bürünc medal qazanıblar
- Cüdoçularımız Avropa çempionatında 2 medal qazanıb