III Azərbaycan Elm Festivalı keçiriləcək
14:29 10 Sentyabr 2018
Bu il oktyabrın 9-30-da ölkədə III Azərbaycan Elm Festivalı keçiriləcək.
Bu barədə Femida.az-a Azərbaycan Milli Elmlər Akademiyasından (AMEA) məlumat verilib.
Festival AMEA-nın təşəbbüsü, UNESCO-nun himayəsi, Bakı Şəhər İcra Hakimiyyəti, Prezident yanında Elmin İnkişafı Fondu, Prezident yanında Bilik Fondu, Təhsil Nazirliyi, Nəqliyyat, Rabitə və Yüksək Texnologiyalar Nazirliyi, Moskva Dövlət Universiteti və ABŞ-ın ölkəmizdəki səfirliyinin təşkilati dəstəyi ilə baş tutacaq.
Elm festivalı çərçivəsində Bakı, Naxçıvan, Şəki, Mingəçevir, Gəncə, Lənkəran və Quba şəhərlərində bir sıra tədbirlər keçiriləcək.
Hər iki ildən bir təşkil olunan festivalın keçirilməsində məqsəd yeni elmi texnologiya və innovasiyaların təqdim olunması, elmi bilik və yeniliklərin populyarlaşdırılması, gənc nəsildə elmə marağın formalaşdırılmasıdır. Elmi festival çərçivəsində gənc alimlərin elmin müxtəlif sahələri üzrə çıxışları, həmçinin yaradıcılıq emalatxanaları və interaktiv sərgilərlə tanışlıq, müsabiqələr, yeni elmi nailiyyətləri özündə əks etdirən məruzələr, cəlbedici elmi şoular, akademiyanın müəssisə və təşkilatlarına aid elmi-populyar filmlərin nümayişi nəzərdə tutulur.
Femida.az
Oxunub: 468
Oxşar xəbərlər
- III qrup üzrə imtahan suallarının düzgün cavabları açıqlandı
- III və II ixtisas qruplarına qəbul imtahanları keçiriləcək
- III Avropa Oyunları bu ölkədə keçiriləcək - RƏSMİ
- III Respublika Xalq Teatrları Festivalının final mərhələsi keçiriləcək
- III Avropa Oyunlarını keçirmək Azərbaycana təklif olundu
- III Avropa Oyunlarına ev sahibliyi üçün namizədlərin qəbuluna start verildi