Avtomobilin gizli saxlanc yerlərindən dərman vasitələri aşkar edildi


17:08     13 Sentyabr 2018 18_09_13_1536829807.jpg


Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyat şöbəsinə daxil olan məlumat əsasında, idarənin “Qırmızı Körpü” gömrük postunda Gürcüstandan Azərbaycan Respublikasına “Mercedes Benz C 180” markalı nəqliyyat vasitəsi ilə gələn Azərbaycan vətəndaşının avtomobili saxlanılıb və gömrük baxışı keçirilib.


DGK Mətbuat və İctimaiyyətlə Əlaqələr İdarəsindən Femida.az-a verilən məlumata görə, baxışdan öncə, vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Lakin yoxlama nəticəsində, nəqliyyat vasitəsinin sağ və sol yan karnizlərinin içindən üzərində “Etambutol” yazısı olan hər birində 10 ədəd olmaqla 566 konvalut və üzərində “Karipazim” yazısı olan 2 ədəd şüşə flakon dərman vasitələri aşkarlanıb.

Faktla bağlı araşdırma aparılır.



Femida.az

Açar sözlər:

Oxunub: 382