“20 Yanvar”da bomba həyəcanı – Metroya giriş tam bərpa olundu (YENİLƏNİB)
21:30 26 Sentyabr 2018
Metronun “20 Yanvar” stansiyasının yaxınlığında bomba həyəcanı
21:30
Femida.az-ın yaxın ərazidə yaşayan sakinlərdən əldə etdiyi məlumata görə, hadisəyə səbəb keçidə bomba qoyulması iddiası olub. Onlar şübhəli şəxs və bağlama görüblər və bu barədə polisə məlumat veriblər. Hüququ-mühafizə orqanları dərhal əməliyyat keçirib və şübhəli şəxs qismində bir nəfər saxlanılıb. Sözügedən bağlama yoxlanılıb və bağlamada bomba və ya digər təhlükəli heç nə olmadığı üzə çıxıb.
Məsələ ilə bağlı hüquq-mühafizə orqanlarından hələ ki, heç bir açıqlama verilməyib.
Qeyd edək ki, "20 Yanvar" metro stansiyasına bütün keçidlərdən giriş saat 20:00-dan etibarən tam bərpa olunub.
19:50
Femida.az xəbər verir ki, ərazidə olan sakinlər sözügedən yerə çoxlu polis, FHN əməkdaşları və Təcili Yardım maşınları yığılıb. Metroya girişlər bağlanıb.
Məsələni dəqiqləşdirmək üçün Bakı Metropoliteninin İctimaiyyətlə Əlaqələr Şöbəsinin rəisi Bəxtiyar Məmmədovla əlaqə saxladıq. Onun açıqlamasına görə, hazırda keçidin girişlərindən sadəcə biri bağlanıb:
“Ərazidə hansı hadisə baş verməsi barədə məndə məlumat yoxdur. Keçid Metropolitenin balansında olmadığı üçün hadisə ilə bağlı dəqiq nəsə deyə bilmərəm. “Azərsu” tərəfdən olan keçiddə problem yarandığı üçün bağlanıb. Lakin stansiyaya digər girişlərin hamısı açıqdır və hərəkət normal qaydada davam edir. Qatarların hərəkətində də heç bir problem yoxdur”.
Qeyd edək ki, "20 yanvar" metrostansiyasının ümumilikdə 5 girişi var.
Amin Nəzərli
Femida.az
Oxunub: 17883
Oxşar xəbərlər
- Bakı metrosunda 4 azyaşlını dilənçiliyə sövq edən qadın saxlanılıb
- Metroda küt alətlə insanları hədələyən şəxs saxlanılıb
- Bakı metrosunda qatarda nasazlıq yaranıb
- Bakı metrosunda pis qoxu səbəbindən sərnişinlər təxliyə edilib
- Bakı metrosunda sərnişin vəfat edib
- "Bakı Metropoliteni"nin Elektrik Təchizatı Xidmətinin rəisi dəyişib
- Bakı metrosunun iki yeni stansiyasında tikinti işləri gedir
- Bakı metrosu bu il alacağı yeni qatarları avqustda xəttə buraxacaq
- Metronun iş rejimi "Qarabağ"a görə uzadılıb
- "Ulduz" metrostansiyasının yaxınlığında yanğın başlayıb