Cənubi Azərbaycanda ETİRAZLAR (FOTO+VİDEO)
14:10 10 Noyabr 2015
İranın dövlət televiziyasında yayımlanan “Fitilə” adlı verilişdə Azəbaycan türklərinin təhqir edilməsi ilə bağlı bu gün Tehranda və Cənubi Azərbaycanın bir sıra şəhərlərində kütləvi etirazlar keçirilib.
Femida.az xəbər verir ki, xüsusilə Urmiya və Təbriz universitetlətinin tələbələri, iş adamları, milli fəallar, müxtəlif təbəqədən olan azərbaycanlıların iştirak edəcəyi etiraz aksiyasına bu gün günorta saatlarından sonra start verilib.
Bundan sonra televiziya üzr istəsə belə, etirazları səngitmək mümkün olmayıb.
Aksiyanın şüarları belədir: " Haray, haray mən türkəm", "Azərbaycan əyilməz, türkün beli bükülməz", "Azərbaycan var olsun, istəməyən kor olsun".
İrandakı mənbələr iddia edirlər ki, təkcə Təbrizdə 10 minə yaxın insan etirazlara qatılıb.
Təbrizdən millət vəkili Məhəmməd İsmayıl Səidi isə məsələ ilə bağlı mətbuata açıqlamasında bildirib ki, İran telekanalında türklərin təhqir edilməsi qəsdən həyata keçirilib.
Xatırladaq ki, noyabrın 6-da İran televiziyasının 2-ci kanalında yayımlanan “Fitilə” adlı verilişdə diş fırçası ilə tualet fırçası arasındakı fərqi bilməyən, dişlərini tualet fırçası ilə fırçaladığı üçün ağzı qoxuyan bir türk uşağı təsvir edilib. Veriliş fars dilində olsa da, bəzi bölümlərində türkcə dialoqlar da yer alıb.
Miri Məcidli
Femida.az
Oxunub: 2236
Oxşar xəbərlər
- Cənubi Koreya ilə məsləhətləşmələr keçirilib
- Cənubi Koreyada zəlzələ - 15 nəfər yaralanıb
- Cənubi Asiyada 16 milyon uşaq aclıq çəkir - UNİCEF
- Cənubi Koreyada təhlükəsizlik şurası çağırılır
- Cənubi Koreyada prezident seçkiləri başlayıb
- Cənubi Qafqazı müharibəyə sürükləyirlər - ŞƏRH
- Cənubi Osetiya Rusiyaya birləşir - REFERENDUM
- Cənubi Koreyadan İrana dəstək - 25 milyard dollar
- Cənubi Koreya şimal qonşusundan ehtiyatlanır
- Cənubi Qafqaza mühüm səfər