Emin Sabitoğlunun doğum günüdür
10:00 02 Noyabr 2019
Azərbaycanlı bəstəkar, xalq artisti, bir çox məşhur mahnıların müəllifi Emin Sabitoğlunun doğum günüdür.
Emin Sabitoğlu 2 noyabr 1937-ci ildə Bakı şəhərində yazıçı Sabit Rəhmanın ailəsində anadan olub. Musiqi məktəbindən sonra 1954-cü ildə Konservatoriyaya Qara Qarayevin sinfinə daxil olub. İki ildən sonra isə Çaykovski adına Moskva Dövlət Konservatoriyasına Yuri Şoporinin bəstəkarlıq sinifinə keçirilib (1956-1961).
1961-ci ildə "Azərbaycanfilm" kinostudiyasında musiqi redaktoru vəzifəsində çalışıb. Sonrakı illərdə Dövlət Filarmoniyasında bədii rəhbər, Ü. Hacıbəyov adına Dövlət Konservatoriyasında (indiki Bakı Musiqi Akademiyası) müəllim işləyib. Bir simfoniya, üç simfonik poema, üç kantata, simli kvartet, skripka və fortepiano üçün poema yazıb. Lakin bir neçə musiqi janrı onun yaradıcılığının əsasını, müəyyənedici hissəsini təşkil edir.
O, 600-dən artıq mahnı, 9 musiqili komediya, 40-a yaxın filmə musiqi bəstələyib. "Dərələr", "Bakı, sabahın xeyir", "Uzaq yaşıl ada", "Dağlar", "İnsaf da yaxşı şeydir" mahnıları çoxsaylı əsərlərindən bəziləridir. Tamaşalara yazdığı musiqilərsə o qədər çoxdur ki, sayını heç bəstəkarın özü də doğru-dürüst bilmirdi. Paytaxt teatrları ilə yanaşı Sumqayıt, Gəncə, Lənkəran, Mingəçevir, Naxçıvan teatrlarının tamaşalarına musiqi bəstələyib.
Emin Sabitoğlu 18 noyabr 2000-ci ildə Bakıda vəfat edib.
Yazıçı Sabit Rəhmanın və İsmət xanım İrəvanskinin oğludur. Musiqişünas Ceyran Mahmudovanın atasıdır. Müğənni Xədicə Abbasovanın həyat yoldaşıdır.
Femida.az
Oxunub: 701
Oxşar xəbərlər
- “Zəfər” altsisteminə 200 minədək şəxsə dair məlumatlar daxil edilib
- Bakıda dünya çempionunun qətli ilə bağlı “Emin 444”ün xalası oğlu tutulub
- “Emin 444”ün qətlində ittiham olunan dünya çempionu öldürüldü
- İrəvan Müəllimlər Seminariyasının 140 illiyi qeyd ediləcək
- ÜST: "Omikron” səhiyyə sistemini alt-üst edib"
- Bakıda 5 marşrutun hərəkət sxemində dəyişiklik ediləcək
- Sahil Babayev: “Məşğulluq” altsistemində hazırda 14 min aktiv vakansiya var”
- 2 nömrəli marşrut xəttinin hərəkət sxemində dəyişiklik ediləcək
- Prokurorluq "Emin 444”ün qətli ilə bağlı məhkəmə qərarından apellyasiya protesti verib
- “Emin 444”ü qətlə yetirən şəxs 18 il azadlıqdan məhrum edilib