MTRŞ "Lider" TV ilə bağlı bəyanat yayıb
19:01 21 Avqust 2020
Milli Televiziya və Radio Şurası bəyanat yayıb.
Femida.az-ın məlumatına görə, bəyanatda deyilir: “Bəzi informasiya saytlarında “Lider" TV kanalının kabel yayımının dayandırılması və kabel operatorlarının paketlərində həmin kanalın əvəzinə APA TV kanalının yayımlanacağı barədə məlumatlar yayılıb.
Milli Televiziya və Radio Şurası olaraq bildiririk ki, “Lider TV və Radio-Azərbaycan” MMC-nin müflis elan olunması haqqında məhkəmənin qanuni qüvvəyə minmiş qətnaməsi olmadığından “Lider TV” kanalının lisenziyası qüvvədədir və kanal fəaliyyətini davam etdirir. Açıq yerüstü yayımda olan bütün ümümölkə kanalları kimi “Lider" TV kanalı da bütün kabel operatorları vasitəsilə yayımlanır. Milli Televiziya və Radio Şurasının qərarı olmadan həmin kanalın kabel şəbəkələri vasitəsilə yayımının dayandırılması və həmin kanal əvəzinə APA TV və ya "Baku" TV kimi internet televiziya kanallarının kabel şəbəkəsi vasitəsilə yayımlanması barədə xəbərlər həqiqəti əks etdirmir.
Qeyd olunmalıdır ki, APA TV və "Baku" TV kimi internet televiziya kanalları açıq yerüstü yayımda olmadığından onların kabel operatorlarının paketlərində yayımlanması qadağandır.
İnformasiya saytlarının redaktorlarından xahiş olunur ki, bu kimi məlumatları paylaşmamışdan qabaq televiziya və radio yayımı sahəsində tənzimləyici orqan olan Milli Televiziya və Radio Şurasından dəqiq informasiya əldə etsinlər”.
Femida.az
Oxunub: 1452
Oxşar xəbərlər
- MTRŞ və Mətbuat Şurasına yeni səlahiyyət verilib
- MTRŞ “Xəzər” və ARB-in yayımını bir saatlıq dayandırdı
- MTRŞ-nin Aparat rəhbəri işdən çıxdı
- MTRŞ sədri Manaf Ağayevin qadınlar haqda dediklərinə münasibət bildirib
- MTRŞ aparıcıların efirdə yol verdiyi nöqsanları açıqlayıb - SİYAHI
- MTRŞ: "102 FM dövlətə məxsusdur, heç kim sata bilməz"
- MTRŞ ölkə Prezidentinə müraciət edib
- MTRŞ sədri: "Seriallarda Azərbaycan ailəsi təhrif olunmuş formada təqdim olunur"
- MTRŞ rəhbərləri topladı - Milli maraqlar baxımından narahatlıqlar var
- MTRŞ-nın Aparat rəhbəri vəzifəsi üzrə müsahibə elan edilib