Spiker Macarıstana gedib
12:15 28 İyun 2021
Milli Məclisin sədri Sahibə Qafarovanın rəhbərliyi ilə parlament nümayəndə heyəti iyunun 28-dən iyulun 1-dək Macarıstanın paytaxtı Budapeşt şəhərində rəsmi səfərdə olacaq.
Milli Məclisin Mətbuat və ictimaiyyətlə əlaqələr şöbəsindən Femida.az-a verilən məlumata görə, nümayəndə heyətinin tərkibinə Milli Məclis Sədrinin birinci müavini, Macarıstanla parlamentlərarası əlaqələr üzrə işçi qrupunun rəhbəri Əli Hüseynli, komitə sədri Ziyafət Əsgərov, deputatlardan Kamilə Əliyeva, Elman Nəsirov, Asim Mollazadə, parlament Aparatının rəhbəri Səfa Mirzəyev və digər rəsmi şəxslər daxildir.
Səfər çərçivəsində Milli Məclisin Sədrinin ölkənin Baş naziri, Milli Assambleyanın sədri və Azərbaycanla parlamentlərarası dostluq qrupunun üzvləri ilə bir sıra görüşləri nəzərdə tutulub. Görüşlərdə parlamentlərarası əlaqələrin bugünü, gələcək inkişaf istiqamətləri və digər sahələrdə əməkdaşlığın genişləndirilməsi barədə fikir mübadiləsi aparılacaq.
Burada Milli Məclisin Sədri Türk Şurasının Budapeşt nümayəndəliyinin ofisində, Diplomatik Akademiyada olacaq, məruzə ilə tədbir iştirakçıları qarşısında çıxış edəcək.
Oxunub: 336
Oxşar xəbərlər
- Spiker Qazaxıstan Parlamentini Xocalı soyqırımını tanımağa çağırıb
- Spikerlər Füzulidə olublar
- Spiker İsrail səfiri ilə görüşdü
- Spiker: "İnzibati Xətalar Məcəlləsinə edilən dəyişikliklə bağlı qanunun qəbul edilməsi üçün iclaslar keçirəcəyik"
- Spiker: “Koronavirusla bağlı Azərbaycanda hər hansı sirr yoxdur”
- Spiker Zahid Oruca irad tutdu: “Gündəlik ətrafında danış”
- Spiker yenə deputatlara əsəbiləşdi
- Spiker müəllimləri təbrik etdi
- Spikerlə deputat arasında mübahisə yarandı