Gürcüstana avtobusla gediş-gəliş açıla bilər
11:22 26 İyul 2021
Tbilisidə Azərbaycan – Gürcüstan Qarışıq Komissiyasının növbəti iclası keçirilib.
Femida.az bu barədə Nəqliyyat, Rabitə və yüksək texnologiyalar Nazirliyinə (NRYTN) istinadən xəbər verir.
Məlumata görə, beynəlxalq avtomobil əlaqələri sahəsində Azərbaycan-Gürcüstan Qarışıq Komissiyasının növbəti iclasında ictimai nəqliyyatla Gürcüstana gediş-gəlişin bərpası məsələsi əsas müzakirə predmeti olub.
İclasda Azərbaycanla Gürcüstan arasında beynəlxalq avtomobil daşımaları sahəsində mövcud vəziyyət, statistik məlumatların mübadiləsi, yük və sərnişindaşımaları zamanı avtodaşıyıcıların qarşılaşdığı problemlər və onların həlli yolları, daşımaların inkişaf perspektivləri və digər aktual məsələlər müzakirə edilib.
NRYTN yanında Dövlət Avtomobil Nəqliyyatı Xidmətinin rəisi Həbib Həsənov Gürcüstan nümayəndə heyətinə son vaxtlar Azərbaycanda beynəlxalq yükdaşımaları sahəsində geniş islahatların aparılması, “İcazə sistemi”nin təkmilləşdirilməsi ilə bağlı normativ-hüquqi bazanın yenilənməsi və bu sahədə hazırlanan yeni layihələr haqqında məlumat verib. O, 2021-ci ilin 6 ayı ərzində keçən ilin müvafiq dövrü ilə müqayisədə daşımaların həcminin artdığını vurğulayıb.
Gürcüstanın İqtisadiyyat və Davamlı İnkişaf Nazirliyinin Yerüstü Nəqliyyat Agentliyinin direktor əvəzi Nikolaz Qvenetadze əhalinin tələbatını nəzərə alaraq “COVID-19” pandemiyası şəraitində hər iki dövlətin səlahiyyətli orqanlarının müəyyən etdiyi qaydalara riayət etməklə müntəzəm sərnişindaşıma marşrutlarının bərpa edilməsini təklif edib. Bu məqsədlə aidiyyəti strukturlara müraciət edilməsinin zəruriliyi məqsədəuyğun hesab edilib.
Daşımaların inkişaf perspektivləri və digər aktual məsələlər ətrafında fikir mübadiləsi aparılaraq nəticədə müvafiq Protokol imzalanıb.
Femida.az
Oxunub: 414
Oxşar xəbərlər
- Gürcüstana 10 kiloqramdan artıq heroinlə qanunsuz daxil olan Azərbaycan vətəndaşları saxlanılıb
- Gürcüstana qızıl külçə keçirən Ermənistan vətəndaşı saxlanılıb
- Gürcüstana gedən azərbaycanlıların sayı artıb
- Gürcüstana külli miqdarda qızıl keçirilməsinin qarşısı alınıb
- Gürcüstana gedən azərbaycanlı turistlərin sayı artıb
- Gürcüstana qar yağıb
- Gürcüstana ən çox səfər edənlər Azərbaycan vətəndaşlarıdır
- Gürcüstana qanunsuz keçməyə cəhd edən Azərbaycan vətəndaşı saxlanılıb
- Gürcüstana keçmək istəyən sürücülərə Azərbaycan ərazisi tövsiyə olundu
- Gürcüstana 490 mindən çox azərbaycanlı gedib