İranın ilk prezidenti vəfat edib
14:36 09 Oktyabr 2021
İran İslam Respublikasının ilk prezidenti Əbülhəsən Banisədr vəfat edib.
Femida.az xəbər verir ki, bu barədə “Fars” agentliyi məlumat yayıb.
1980 -ci ildə prezident seçilən Banisədr 88 yaşında Parisdəki Salpetrier xəstəxanasında dünyasını dəyişib. Onun ölüm səbəbini açıqlamayıb.
Xatırladaq ki, 1979-cu ildə ölkədə Məhəmməd Rza Pəhləvinin (1941-1979) başçılıq etdiyi şah monarxiyasının devrilməsi nəticəsində İran İslam Respublikası quruldu. İranın Ali lideri olan Ayətullah Xomeyninin başçılıq etdiyi şiə ruhanilərinin elitası hakimiyyətə gəldi. Banisədr Xomeyninin silahdaşı idi və inqilab qurumlarında bir çox yüksək vəzifələrdə çalışdı. O, İslam İnqilabı Şurasının üzvü olub, sonra müavin təyin edilib, iqtisadiyyat, maliyyə naziri, eyni zamanda xarici işlər naziri vəzifəsində çalışıb. İranın ilk konstitusiyasının hazırlanmasında da iştirak edib.
Banisədr 25 yanvar 1980-ci ildə 76,5% səslə prezident seçilib. Lakin 1980-ci ildə başlayan İran-İraq müharibəsi səbəbiylə Xomeyni Banisədri ölkəyə və hərbi əməliyyatlara rəhbərlik edə bilməməkdə günahlandırdı, onun Ali Baş Komandan səlahiyyətlərini əlindən aldı. 1981-ci ilin iyununda parlament, "İslam din xadimlərinə qarşı yönəlmiş fəaliyyətinə görə" ona qarşı impiçment elan etdi. Sonra Xomeyni Banisədri prezidentlik səlahiyyətlərindən məhrum edən fərman imzaladı. Bundan sonra Banisədr bir sıra digər siyasətçilərlə birlikdə İrandan mühacirət etdi.
Femida.az
Oxunub: 566
Oxşar xəbərlər
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- İran Məsləhət Şurasının yeni tərkibi təsdiqlənib, Həsən Ruhani siyahıya daxil edilməyib
- Makron: “İranla nüvə sazişinə qayıtmaq hələ də mümkündür”
- İrandan Azərbaycana 53 kq-a yaxın narkotikin gətirilməsinin qarşısı alınıb
- İranın Milli Təhlükəsizlik üzrə Ali Şurasının katibi Azərbaycana gəlir
- İranda məcburi hicaba qarşı kampaniya başlayıb
- Ərdoğanın İrana səfər tarixi açıqlanıb
- Azərbaycan sərhədini pozan İran vətəndaşları saxlanılıb
- Ceyhun Bayramov İrana gedib
- ABŞ və İran nümayəndələri arasında danışıqlar davam etdiriləcək