Restoranda karantini pozan 25 nəfər cərimələndi
11:49 16 Noyabr 2021
Nərimanov rayonunda karantin qaydalarını pozaraq gecə saatlarında fəaliyyət göstərən restoran aşkar edilib.
Daxili İşlər Nazirliyinin (DİN) Mətbuat Xidmətindən
Femida.az -a bildirilib ki, Nərimanov Rayon Polis İdarəsinin əməkdaşları tərəfindən həyata keçirilən profilaktik tədbir zamanı Ə.Rəcəbli küçəsində yerləşən "Altus" otelinin daxilində yerləşən restoranın karantin qaydalarını pozaraq gecə saat 00:00-dan sonra işlədiyi müəyyən edilib.
Həmin obyektə gecə saatlarında keçirilən baxış zamanı fakt öz təsdiqini tapıb. Orada karantin qaydalarını pozan 22 nəfər və "Altus" otelin icarədarı Ş.Abdullayev barəsində İnzibati Xətalar Məcəlləsinin müvafiq maddəsi ilə protokol tərtib edilib və onlar ümumilikdə 8 400 manat cərimə ediliblər.
Profilaktik tədbir zamanı karantin qaydalarını pozan obyektdə olan daha 2 nəfər polisin qanuni tələbinə əməl etmədiklərinə, eləcə də tabesizlik göstərdikləri üçün onlar barəsində tərtib edilmiş protokol və toplamış material baxılması üçün Nərimanov Rayon Məhkəməsinə göndərilib.
Femida.az
Oxunub: 510
Oxşar xəbərlər
- Bakıda restoran diceyi bıçaqlandı
- Bakıda restoranda yanğın olub
- “Xəngəland” restoranında nöqsanlar aşkarlanıb
- Məşhur restoran Vasif Məhərrəmlini məhkəməyə verdi
- Gəncədə restoranda nöqsanlar aşkarlanıb
- İsmayıllıda restorandan oğurluq edən gözətçinin cinayət əməli ifşa olunub
- Bakının mərkəzində restoranda lift qırılıb, 2 nəfər ağır xəsarət alıb
- Bakıda restoranda Türkiyə vətəndaşı döyülüb
- DİN: "131 nəfər restoranlara buraxılmayıb"
- AQTA bir neçə restoranı cərimələyib