QMİ məscidlərə dini rəhbər təyin edə bilməyəcək
15:50 01 Fevral 2022
Azərbaycanda İslam dininə aid ibadət yerlərinə və ziyarətgahlara rəhbərlik edən din xadimlərinin təyinatı səlahiyyəti Qafqaz Müsəlmanları İdarəsindən alınır.
Femida.az -ın xəbərinə görə, bununla bağlı "Dini etiqad azadlığı haqqında" qanunun 8-ci maddəsinə təklif olunan dəyişiklik layihəsi parlamentin bu gün keçirilən iclasında I oxunuşda müzakirəyə çıxarılıb.
Dəyişikliyə əsasən, İslam dininə aid ibadət yerlərinə və ziyarətgahlara rəhbərlik edən din xadimlərinin təyinatı səlahiyyəti müvafiq icra hakimiyyəti orqanının müəyyən etdiyi orqana (qurum) verilir. Müvafiq qurum təyinatla bağlı sadəcə Qafqaz Müsəlmanları İdarəsinə məlumat verəcək.
Qeyd edək ki, qanunun 8-ci maddəsinin hazırkı variantı belədir: "İslam dininə aid ibadət yerlərinə və ziyarətgahlara rəhbərlik edən din xadimləri müvafiq icra hakimiyyəti orqanına məlumat verilməklə Qafqaz Müsəlmanları İdarəsi tərəfindən təyin olunur və hər beş ildən bir attestasiyadan keçir".
Müzakirələrdən sonra qanuna dəyişiklik layihəsi səsverməyə çıxarılaraq I oxunuşda qəbul edilib.
Oxunub: 436
Oxşar xəbərlər
- QMİ Ramazan ayı ilə bağlı fətva verib
- QMİ sədri Patriarx Kirillə görüşüb
- QMİ sədri Çeçenistanda səfərdədir
- QMİ sosial şəbəkə istifadəçilərinə xəbərdarlıq edib
- QMİ: Bu il də Ramazan bayramında camaat namazı qılınmayacaq
- QMİ sədri Rus Pravoslav kilsəsinin Mitropolitini qəbul edib
- QMİ sədrinin müraciətinə Vatikandan cavab gəldi
- QMİ 20 Yanvar faciəsinin ildönümü ilə bağlı videokonfrans keçirib
- QMİ və dini icmalar erməni vəhşiliyi ilə bağlı bəyanat yaydı
- QMİ Məhərrəm ayının başlayacağı tarixi açıqladı