Azərbaycanın daha 2 güləşçisinin medal görüşlərindəki rəqibləri bəlli olub
20:55 02 Aprel 2022
Azərbaycanın yunan-Roma güləşçiləri İslam Abbasov və Beka Kandelakinin bürünc medal görüşlərindəki rəqibləri bəlli olub.
Femida.az-ın məlumatına görə, 87 kq-da çıxış edən Abbasov 3-cü yer uğrunda qarşılaşmada Yohan Danielov Dimitrov (Bolqarıstan) ilə qarşılaşacaq.
130 kq çəki dərəcəsindəki Kandelaki isə Dariuş Attila Viteklə (Macarıstan) münasibətlərinə aydınlıq gətirəcək.
77 kq-da yarışan Sənan Süleymanov isə təsəlliverici görüşdə Mantas Kazimieras Sinkeviçius (Litva) ilə qüvvəsini sınayacaq.
Qeyd edək ki, daha əvvəl sərbəst güləşçilərdən Məhəmmədxan Məhəmmədov (97 kq) qızıl, Əliabbas Rzazadə (57 kq), Hacı Əliyev (65 kq), Əşrəf Aşırov (79 kq), Abubakr Abakarov (86 kq) gümüş, Turan Bayramov (74 kq) və Osman Nurməhəmmədov (92 kq) bürünc medal qazanıb. Yığma ümumi komanda hesabında birinci yeri tutaraq, Avropa çempionu olub.
Qadın güləşçilərdən isə Elis Manolova (65 kq) gümüş medala sahib çıxıb.
Yarış aprelin 3-də başa çatacaq.
Oxunub: 526
Oxşar xəbərlər
- Azərbaycanın Şimal-Qərb bölgəsində qaz olmayacaq
- Azərbaycanın 3 rayonunda qaz kəsiləcək
- Azərbaycanın ABŞ-dakı səfiri Prezident Cozef Baydenlə görüşüb
- Azərbaycanın NATO-dakı nümayəndəsi geri çağırılıb
- Azərbaycanın Baş prokurorunun İtaliyaya işgüzar səfəri başlayıb
- Azərbaycanın Ukraynadakı səfirliyi Kiyevdə fəaliyyətini bərpa edib
- Azərbaycanın mebel istehsalçıları yeni xammal bazarı axtarır
- Azərbaycanın Əməkdar həkimi vəfat edib
- Azərbaycanın sərbəst güləş yığması Avropa çempionu olub
- Azərbaycanın Əməkdar rəssamı həbsdən azad edilib