Ukraynada rəqibini ödürən keçmiş deputat 15 il müddətinə həbs edilib
09:58 05 Avqust 2022
Ukraynanın 5-ci və 6-cı çağırış xalq deputatı seçilən Aleksandr Şepelev rəqibinin qətlini təşkil etməkdə təqsirli bilinərək 15 il müddətinə azadlıqdan məhrum edilib.
Femida.az “UNIAN”a istinadən xəbər verir ki, bu barədə ölkənin Baş Prokurorluğun yaydığı məlumatda deyilir.
Keçmiş deputatın bütün əmlakı da müsadirə olunub. Qeyd olunur ki, prokurorlar məhkəmədə sübut ediblər ki, Aleksandr Şepelev “AvtoKrazBank”ın Müşahidə Şurasının sədrinin bir qrup şəxs tərəfindən əvvəlcədən razılaşdırılaraq, tamah niyyəti ilə qəsdən öldürülməsini təşkil edib.
Qeyd edək ki, Şepelev 27 dekabr 2012-ci ildə beynəlxalq axtarışa verilib. 2013-cü il iyulun 5-də Macarıstanda saxlanılıb və ekstradisiya proseduru nəticəsində 2014-cü il martın 26-da Ukraynaya gətirilib.
Lakin o, 6 iyul 2014-cü ildə həbsdən qaçıb. Rusiyanın hüquq-mühafizə orqanları 2015-ci il martın 19-da Moskva vilayətində Şepelevi saxlayıblar. Ukrayna Baş Prokurorluğunun müraciəti əsasında Rusiyanın səlahiyyətli orqanları Şepelevin Ukrayna tərəfinə ekstradisiyası ilə bağlı işlərə başlayıb. Ancaq keçmiş deputat Kiyev tərəfinə verilməyib.
2018-ci il fevralın 8-də Şepelev Kiyev vilayətində Ukrayna Təhlükəsizlik Xidmətinin əməkdaşları tərəfindən saxlanılıb. Daha sonra onun üzərində qondarma Donetsk (DXR) respublikasını “Dövlət Təhlükəsizliyi Nazirliyi” adlanan qurumunun əməkdaşının olması barədə sənəd aşkarlanıb. Fevralın 10-da məhkəmə Şepelevi həbs edib.
Oxunub: 913
Oxşar xəbərlər
- Ukraynada müharibə zamanı həlak olan mülki şəxslərin sayı açıqlanıb
- Ukraynada raket zərbələri nəticəsində azərbaycanlı ailə həlak olub
- Ukraynada müharibədə 338 uşaq ölüb
- Ukraynada saxlanılan rusiyalı hərbi əsirlərin sayı açıqlanıb
- Ukraynada beynəlxalq legionun bir neçə döyüşçüsü həlak olub
- Ukraynada Rusiyanın təcavüzünü dəstəkləyənlərin əmlakı müsadirə olunacaq
- Ukraynada nə baş verir?
- Ukraynada ağır yol qəzası zamanı ölənlərin sayı 27 nəfərə çatıb
- Ukraynada 14 yaşlı ağırlıqqaldıran həlak olub
- Ukraynada olan Rusiya hərbçilərinin sayı açıqlanıb