Öcalanın adını hava limanına verdilər
03:38 19 Fevral 2016
Türkiyənin beş gündür top atəşinə tutduğu YPG (PKK terror təşkilatının Suriya qolu olan PYD-nin hərbi qanadı) ələ keçirdiyi Minniğ hərbi aerodromun adını dəyişdirib.
Femida.az Türkiyə mediasına istinadən xəbər verir ki, hərbi aerodromun yeni adı “Serok Apo”dur (Öndər Apo – Abdulah Öcalan – red.).
PKK terror təşkilatının lideri olan Abdullah Öcalan hazırda İmralı adasında həbsdədir.
Qeyd edək ki, YPG Hələbin şimalında müxalifət güclərinin qərargah kimi istifadə etdiyi Minniğ hərbi aerodromu fevralın 10-da ələ keçirib. Aerodrom Türkiyə ilə sərhəd ərazilərə nəzarət baxımından strateji əhəmiyyət daşıyır.
Oxunub: 1438