Aydın Əliyev vətəndaşları qəbul edib
04:59 17 İyul 2015
Prezident İlham Əliyevin tapşırıq və tövsiyəsinə əsasən mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam edir.
Dövlət Gömrük Komitəsindən Femida.az-a verilən məlumata görə, mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, Dövlət Gömrük Komitəsinin sədri, gömrük xidməti general-leytenantı Aydın Əliyev iyulun 16-da İsmayıllı şəhərində İsmayıllı, Qəbələ və Şamaxı rayonlarından olan sakinləri qəbul edib. Heydər Əliyev Mərkəzində DGK-nın müvafiq struktur rəhbərlərinin də qatıldıqları qəbulda müraciətlər əsasən işə qəbul, malların idxal və ixracı, bununla əlaqədar sənədləşmə qaydaları, gömrük-keçid məntəqələrində vəziyyət barədə olub.
Hər bir vətəndaş DGK-nın sədri tərəfindən diqqətlə dinlənilib və əksər müraciətlər yerindəcə həll edilib. Araşdırılması zəruri olan bir sıra müraciətlərin isə qanunvericiliyə uyğun həlli barədə müvafiq struktur rəhbərlərinə tapşırıqlar verilib. DGK-nın səlahiyyətlərinə aid olmayan məsələlərlə bağlı müraciətlər barədə vətəndaşlara hərtərəfli izahatlar verilib, belə müraciətlər müvafiq orqanlara çatdırılmaq üçün qeydiyyata alınaraq nəzarətə götürülüb.
Oxunub: 779
Oxşar xəbərlər
- Aydın Əliyev Şəkidə vətəndaşları qəbul edəcək
- Aydın Əliyev sahibkarlarla görüşüb
- Aydın Əliyev türk iş adamlarına müraciət edib
- Aydın Əliyev Oğuzda vətəndaşlarla görüşdü
- Aydın Əliyev vətəndaşlarla görüşəcək
- Aydın Əliyev özbəkistanlı həmkarı ilə görüşüb
- Aydın Əliyev beynəlxalq konfransda
- Aydın Əliyev vətəndaşları dinləyəcək
- Aydın Əliyevdən türkiyəli sahibkarların təklifinə CAVAB
- Aydın Dadaşov vəfat edib