Yağışlı hava Bayılda təhlükəni artırır? - AÇIQLAMA
16:03 27 Yanvar 2018
"Bayıl yamacında sürüşmə prosesi hələ davam edir".
Bunu Femida.az-a Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.
Ə.Qaralov qeyd edib ki, yamacda dərinliyi 5-6 metr olan çatlar yaranıb.
Onun sözlərinə görə, Bayıl sürüşmə ərazisi yeni yaranan sürüşmə zonası deyil:
"Ədəbiyyatlara baxanda görürük ki, təxminən 1847-ci ildən bəri - bəlkə ondan da qabaq olub, ancaq biz ədəbiyyatlarda olanı deyirik - müxtəlif illərdə və həmin ərazinin müxtəlif yerlərində çökmələr, uçqunlar, sürüşmə prosesləri baş verib. Həmin ərazidə sonuncu dəfə 2010-cu ildə martın 7-də "Əbədi məşəl"in önündə batma prosesi baş verdi. Burada 35 metrə yaxın böyük bir torpaq qatı çökdü. Ondan 450 metr aşağıda – Neftçilər prospektində, dənizə yaxın hissədə magistral yolda qabarma əmələ gəldi. Biz bütün bu məlumatlar haqqında atlas hazırlamışıq və əraziləri konturlaşdırmışıq. Bu gün sürüşmənin baş verdiyi ərazi də bizim tərəfimizdən sürüşməyə meyilli ərazi kimi qeyd olunub".
Ekspedisiya rəisi əlavə edib ki, ərazidəki sürüşmənin fəallaşmasına mövsümlə əlaqədar yağışların miqdarının çoxalması, torpaq qatının ağırlaşması, eyni zamanda, fərdi evlər tikmək məqsədilə yamacın aşağı hissəsinin kəsilməsi səbəb olub: "Bütün bu amillər ərazinin dayanıqlığını azaltdığından yamac boyu – "Bayıl dərəsi" deyilən ərazinin sağ yamacında sürüşmə prosesləri baş verir".
Ə.Qaralov qeyd edib ki, hazırda Zığ, Günəşli yaylası sürüşmə zonalarında aktivlik olsa da, oradakı prosesin aktivliyi Bayıl yamacı ilə müqayisədə stabildir.
Onun sözlərinə görə Bakıda müşahidə olunan yağıntılı hava şəraiti Bayıl yamacında davam edən sürüşməyə mənfi təsir göstərir:
"yağışlı havada kütlə ağırlaşır, bununla sürüşmə aktivləşir. Hazırda əməkdaşlarımız sürüşmənin müşahidə edildiyi ərazidədir, araşdırma aparırlar. Yalnız bundan sonra ətraflı açıqlama vermək mümkün olacaq”.
Femida.az
Oxunub: 823
Oxşar xəbərlər
- DİN: Bayıl qəsəbəsində domino oynayanlar saxlanılıb - FOTO
- Bayılda neft buruqlarının mühərriklərini oğurladılar - FOTO
- Bayıl sürüşmə zonasında yaşayanlar köçürüləcək - SƏRƏNCAM
- Nazirlər Kabineti qərar verəcək - Bayıldakı sürüşmə ilə bağlı
- Bayıl sürüşmə zonasında 98 ev söküləcək
- Eldar Əzizov: "Bayıldakı sürüşmə zonası ilə bağlı xüsusi layihə hazırlanır"
- Bayıldakı sürüşmə davam edir
- "Evləri tərk edin!" - Bayılda yaşayanlara rəsmi XƏBƏRDARLIQ
- Bayılda təhlükə artır - Avtobusların gediş-gəlişi dayandırıldı
- Bayılda yenə sürüşmə olub - VİDEO