Əcnəbilər Azərbaycandan 9 uşaq aparıblar
22:24 01 Fevral 2018
Norveç Uşaq Evinin azərbaycanlı ailənin övladını əlindən alması ilə bağlı yerli mətbuatda məlumat yayılıb. Norveçdə yaşayan Azərbaycan vətəndaşı Yusif Əsgərov deyib ki, Norveç Uşaq Evi onun övladını əlindən alıb və uşağın norveçli bir ailəyə veriləcəyini bildirib. Buna səbəb kimi atanın uşaqla göz kontaktının olmaması və uşaqla davranışında qəfil hərəkətlər etdiyi iddia olunub.
Maraqlıdır, hansı hallarda əcnəbi ailələrə verilən uşaqlar geri alına bilər?
Ümumiyyətlə əcnəbilərə övladlığa verilən uşaqların sonrakı taleyinə necə nəzarət edilir?
Bununla bağlı Ailə, Qadın və Uşaq Problemləri üzrə Dövlət Komitəsinin Hüquqi təminat şöbəsinin müdiri Taliyə İbrahimova Modern.az-a danışıb. O bildirib ki, Ailə Məcəlləsinin 114.2-ci maddəsinə əsasən yerli icra hakimiyyəti orqanı valideyn himayəsindən məhrum olmuş uşaqların yerləşdirilməsi formalarını seçir, eləcə də onların saxlanması, tərbiyəsi və təhsili şəraitinə nəzarəti həyata keçirir:
“Əcnəbi və vətəndaşlığı olmayan şəxslər tərəfindən övladlığa götürülən uşaqların sonrakı həyatına nəzarət Komitə tərəfindən müvafiq rayon məhkəməsinin çıxardığı qətnaməyə əsasən həyata keçirilir. Məhkəmə qərarı ilə övladlığa götürən şəxslərin üzərinə hesabatların verilməsinin məcburiliyinə dair öhdəlik qoyulur.
Belə ki, Azərbaycan vətəndaşı olan uşaq əcnəbi və vətəndaşlığı olmayan şəxslər tərəfindən övladlığa götürüldüyü zaman uşağın səhhəti, təhsili, inkişafı, davranışları, ətraf mühitə uyğunlaşması və sairə məlumatlardan (uşağın inkişaf mərhələlərini özündə aydın əks etdirən foto şəkillər və ən azı 15 dəqiqəlik video yazılar əlavə olunmaqla) ibarət hesabatlar 3 il ərzində ildə 2 dəfə olmaqla hər altı aydan bir Komitəyə təqdim edilir”.
Müsahibimiz deyib ki, Komitənin rəyi əsasında övladlığa götürülən uşaqlar barəsində övladlığa götürmənin ləğvi ilə bağlı müraciətlər olmayıb:
“Qeyd edim ki, Ailə, Qadın və Uşaq Problemləri üzrə Dövlət Komitəsinin rəyi əsasında 2017-ci ildə 9 uşaq (6 qız, 3 oğlan) əcnəbi vətəndaşlar tərəfindən övladlığa götürülüb”
Femida.az
Oxunub: 1236
Oxşar xəbərlər
- Bakıda reabilitasiya mərkəzində uşaqlara işgəncə verilməsini əks etdirən görüntülər yayılıb
- Bərdədə 6 yaşlı uşaq qəflətən ölüb
- FHN uşaqların təhlükəsizliyi ilə bağlı əhaliyə müraciət edib
- Bu gündən uşaq bağçalarına elektron qəbul başlayır
- Bakıda 3 yaşlı uşaq evin 2-ci mərtəbəsindən yıxılaraq xəsarət alıb
- Ukraynada müharibədə 338 uşaq ölüb
- Bakıda 10 yaşlı uşaqlar yol qəzasında xəsarət alıb
- Valideynlərini itirmiş uşaqlar ilk dəfə işə düzələrkən 265 manat kompensasiya alacaqlar
- Atası marketə düşdü, uşaq maşını işə salıb aşırdı
- DİN: Son 2 gündə bulvarda itkin düşən 17 uşaq tapılıb