Türkiyə-Azərbaycan sərhəddində 500 mina aşkarlanıb
21:37 06 Sentyabr 2018
“Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) 74 əməkdaşı Türkiyə-Azərbaycan sərhəddində minatəmizləmə əməliyyatlarında iştirak edir”.
Femida.az xəbər verir ki, bunu “Report”a açıqlamasında ANAMA-nın İctimaiyyətlə əlaqələr üzrə mütəxəssisi Səbinə Sərkərova deyib.
Onun sözlərinə görə, indiyə kimi Türkiyə-Azərbaycan sərhəddində həyata keçirilmiş əməliyyatlar nəticəsində 15 000 kvadratmetr ərazi təmizlənib, 500 ədəd mina aşkar olunaraq zərərsizləşdirilib.
S.Sərkərova ANAMA-nın başqa ölkələrdə də minatəmizləmə əməliyyatlarında iştirak edəcəyinin gündəmdə olduğunu vurğulayıb.
Femida.az
Oxunub: 261