Hələ də saxta sənədlər təqdim olunur - Gömrükdə qaçaqmalçılıq mümkünsüz olacaq
11:11 28 Sentyabr 2018
DGK Gömrük Sərhəd Buraxılış Məntəqələrinin İşinin Təşkili Baş İdarəsinin rəisi Şahin Ələsgərov gömrük keçid postlarında baş verən neqativ hallardan danışıb.
Femida.az-ın məumatına görə, o, bildirib ki, Dövlət Gömrük Komitəsinin strukturlarının Avropa standartlarına uyğunlaşdırılması, şəxslərə yeni idarəetmə prinsipləri ilə gömrük xidmətinin göstərilməsi ölkəmizin iqtisadi inkişafına öz töhfəsini verəcək:
“Aparılan genişmiqyaslı struktur islahatları, davamlı olaraq vəzifələrə daha bacarıqlı, mütərəqqi intellektə və biliyə malik peşəkar kadrların təyinatı idarəetmənin çevikliyi,eyni zamanda, hüquqi və fiziki şəxslərlə ünsiyyətdə gömrük xidmətinin operativliyini, bu xidmətdən yararlananların məmnunluğunu təmin edəcək".
İdarə rəisinin sözlərinə görə, 2019-cu ilin yanvar ayından qısa idxal bəyyanaməsi əsasında ölkə ərazisinə idxal olunan malların ilkin qeydiyyatının və risklərin aparılması planlaşdırılır ki, bu da sərhəddə vaxt itkisinin minimuma endirilməsinə gətirib çıxaracaq:
“Xarici ticarət ilə məşğul olan şəxslər arasında aparılan davamlı maarifləndirmə işinə baxmayaraq, hələ də qaçaqmalçılıq və ya qanunsuz yollarla ölkə ərazisinə mal keçirilməsinə dair çoxsaylı cəhdlər, eləcə də idxal olunan malların gömrük rəsmiləşdirilməsi zamanı saxta sənədlərin təqdim olunması halları müşahidə edilir. O, əlavə edib ki, bu kimi halların qarşısının alınması məqsədilə artıq müvafiq işlərin həyata keçirilməsi nəzərdə tutulub”.
Amin Nəzərli
Femida.az
Oxunub: 2218
