Atasını baltalayan qadın psixiatrik müalicə istəyir
21:30 21 Yanvar 2020
Bakıda atasını öldürməyə cəhd etməkdə təqsirləndirilən Aliyə Həbibova yenidən məhkəməyə müraciət edib.
Femida.az -ın xəbərinə görə, o, Sabunçu Rayon Məhkəməsinə müraciətində cinayət məsuliyyətindən azad edilib ümumi tipli psixiatriya stasionarında məcburi müalicəyə keçirilməsinə dair təqdimatın təmin ediməsini istəyib.
Məhkəmə A.Həbibovanın vəsatətini təmin etməyib. Qərardan narazı qalan qadın apellyasiya şikayəti verib.
Bakı Apellyasiya Məhkəməsində keçiriləcək iclas yanvarın 22-nə təyin olunub, şikayət hakim Kamran Əkbərovun sədrliyi ilə araşdırılacaq.
İttiham aktına əsasən, cinayət hadisəsi 2017-ci il noyabrın 4-də Binəqədi rayonu, 8-ci mikrorayon, Cəfər Xəndan küçəsində baş verib. Həmin ünvanda ailə münaqişəsi zamanı A.Həbibova atası, 1956-cı il təvəllüdlü Cəmşid Salxakinin başından balta ilə vurub. C.Salxakin kəsilmiş-çapılmış xəsarətlərlə xəstəxanaya çatdırılıb. Ona vaxtında tibbi yardım göstərildiyi üçün həyatını xilas etmək mümkün olub. Daha sonra A.Həbibova Binəqədi Rayon Polis İdarəsinin əməkdaşları tərəfindən saxlanılıb.
İstintaq orqanı tərəfindən onun barəsində Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə ittiham elan edilib. Məhkəmənin qərarı ilə A.Həbibova barəsində polis nəzarəti qətimkan tədbiri seçilib. Bakı Ağır Cinayətlər Məhkəməsinin hökmünə əsasən, anlaqsız vəziyyətdə cinayət törətmiş şəxs barəsində tibbi xarakterli məcburi tədbirlər tətbiq edilib. A.Həbibova 1 saylı Respublika Psixatiriya Xəstəxanasına göndərilib.
Oxunub: 890
Oxşar xəbərlər
- Atasını öldürən 19 yaşlı oğlanın istintaqı başa çatıb
- Atasının klinikasında gözətçini öldürən şəxs hakim qarşısına çıxarıldı
- Atasının başdaşı hissələrə bölünüb supermarketə döşəndi - FOTOLAR
- Atasının bədbəxt etdiyi qadın sığınacağa yerləşdirildi
- Atasının bank kartından oğurluq etdi
- Atasının 47 min dollarını oğurlayan gənc saxlanıldı
- Atasının maşını ilə qəzaya düşdü gənc ölüb
- Atasının ikinci arvadını öldürən şəxsin məhkəməsində dava düşdü