Hacıqabulda məktəblilər “Erkən nikahın fəsadları” mövzusunda maarifləndirilib
21:15 11 Fevral 2020
Hacıqabul Rayon Polis Şöbəsinin təşkilatçılığı ilə rayonun Rəncbər kənd tam orta məktəbində “Narkotiklərə yox deyək!”, “Erkən nikahın fəsadları” və “Dini radikalizm və ekstremizm” mövzularında maarifləndirmə tədbiri keçirilib.
Femida.az xəbər verir ki, tədbirdə Hacıqabul Rayon Polis Şöbəsinin əməkdaşları ilə yanaşı, Rayon İcra Hakimiyyətinin nümayəndələri, Rayon Prokurorluğunun, Təhsil Şöbəsinin əməkdaşları, məktəbin pedaqoji heyəti və şagirdləri də iştirak edib.
Hacıqabul RPŞ-nin rəisi, polis polkovnik-leytenantı Məmməd Hüseynov narkotik vasitələrə aludəçiliyin cinayətkarlıq, zorakılıq və korrupsiya üçün şərait yaratdığını, məhsuldar qüvvələrin inkişafına mənfi təsir göstərməklə gəncləri sosial-iqtisadi proseslərdən uzaqlaşdırdığını, ailələrin və bütövlükdə cəmiyyətin inkişafını ləngitdiyini vurğulayıb. O, son illər Azərbaycanda bu sahədə məqsədyönlü tədbirlər həyata keçirildiyini, narkotik vasitələrin qanunsuz dövriyyəsinə qarşı mübarizənin gücləndirildiyini bildirib.
Şöbə rəisi erkən nikah və onun fəsadları barəsində məktəblilərə məlumat verərək, qızların erkən yaşda ailə həyatı qurmağa məcbur edilmələrini onların təhsilinə, bir fərd kimi inkişafına mane olduğunu, o cümlədən psixologiyasına mənfi təsir göstərdiyini, gələcəyi üçün yaxşı heç nə vəd etmədiyini qeyd edib.
Dini radikalizm mövzüsuna toxunan M.Hüseynov ölkəmizdə yaşayan hər bir vətəndaşın inancına hörmətlə yanaşıldığını bildirib, ancaq bu azadlıqdan sui-istifadə etmək istəyən, din pərdəsi altında müxtəlif çirkin əməllərlə məşğul olmağa, cəhaləti və xurafatı təbliğ etməyə cəhd edənlərin də olduğu barədə məktəbliləri xəbərdar edib, onların zərərli fikirlərindən uzaq olmağa, işıqlı fikirlərlə yaşayıb, təhsildə, idmanda yüksək nəticələr əldə etməyi tövsiyə edib.
Tədbirlərdə narkomaniyanın fəsadları mövzusunda videoçarxlar nümayiş olunub, şagirdləri maraqlandıran suallar cavablandırılıb.
Femida.az
Oxunub: 1054
Oxşar xəbərlər
- Hacıqabulda avtomobillər toquşub, xəsarət alanlar var
- Hacıqabulda zəncirvari qəza olub, xəsarət alanlar var
- Hacıqabulda yol qəzalarında 3 nəfər xəsarət alıb
- Hacıqabulda avtomobil 52 yaşlı qadını vuraraq ağır xəsarət yetirib
- Qaradağ və Hacıqabulda su kəsiləcək
- Hacıqabulda itkin düşən 59 yaşlı qadın tapılıb
- Hacıqabulda 59 yaşlı qadın itkin düşüb
- Hacıqabulda qaydaları pozan COVID-19 xəstəsi barədə araşdırmalar aparılır
- Hacıqabulda şadlıq sarayının icarədarı 4 000 manat cərimələnib
- Hacıqabulda zəncirvari qəzada 1 nəfər ölüb, 13 nəfər xəsarət alıb