Ünvanlı yardımın təyin olunma müddəti bitən ailələrə yardımın verilməsi davam edəcək
16:30 02 Aprel 2020
Ölkəmizdə koronavirus pandemiyasına qarşı mübarizə tədbirləri çərçivəsində aztəminatlı ailələrin sosial müdafiəsi diqqətdə saxlanılır. Nazirlər Kabinetinin “Yeni növ koronavirus (COVID-19) pandemiyası ilə mübarizə şəraitində aztəminatlı ailələrə ünvanlı dövlət sosial yardımının verilməsi prosedurunun sadələşdirilməsi barədə” 1 aprel 2020-ci il tarixli Qərarı da bu məqsədə xidmət edir.
Əmək və Əhalinin Sosial Müdafiəsi Nazirliyindən Femida.az-a verilən məlumata görə, Qərara əsasən, ölkədə martın 1-dən etibarən xüsusi karantin rejimi müddətində ünvanlı dövlət sosial yardımının təyin olunma müddəti bitən aztəminatlı ailələrə bu yardımın verilməsi karantin rejimi başa çatdığı tarixdən sonrakı ayın 1-dək uzadılır.
Belə ki, qanunvericiliyə uyğun olaraq, ünvanlı sosial yardımı ailəyə iki il müddətinə təyin olunur. Lakin indiki şəraitdə bu müddət bitdiyi halda, ailəyə yardımın verilməsi dayandırılmayacaq. Ailənin təkrar olaraq yardım üçün müraciət etməsinə ehtiyac qalmadan, eyni məbləğdə həmin yardımın xüsusi karantin rejimi dövründə də ödənişi davam edəcək.
Hazırda 70 minədək ailə ünvanlı dövlət sosial yardımı ilə təmin olunur və orta hesabla hər ailəyə aylıq 216 manat sosial yardım verilir.
Mart ayı ərzində 3516 ailəyə sosial yardımın verilmə müddəti başa çatsa da, yardımın ödənişi davam etdiriləcək.
Femida.az
Oxunub: 986
Oxşar xəbərlər
- Ünvanlı dövlət sosial yardımın məbləği artdı (RƏSMİ)
- Ünvanlı sosial yardımlar bu tarixdə ödəniləcək
- Ünvanlı sosial yardım iyulun 17-də ödəniləcək
- Ünvanlı sosial yardımın ödəniləcəyi tarix açıqlanıb
- Ünvanlı dövlət sosial yardımının məbləği artıb
- Ünvanlı yardımların əhatə dairəsi genişləndiriləcək
- Ünvanlı sosial yardım necə təyin edilir? - Hüquqi maarifləndirmə
- Ünvanlı sosial yardım alan ailələrin sayı 82 minə çatdı
- Ünvanlı yardım proqramı genişləndirilir
- Ünvanlı sosial yardım alanlar üçün yeni xəbər