ÜST-dən "Deksametazon"la bağlı daha bir açıqlama
14:41 28 İyun 2020
Ümumdünya Səhiyyə Təşkilatı (ÜST) "Deksametazon" preparatının COVID-19-lu xəstələrin müalicəsində istifadəsi ilə bağlı yayılan məlumatlara aydınlıq gətirib.
Femida.az xəbər verir ki, bununla bağlı rəsmi münasibət ÜST-ün Azərbaycan Nümayəndəliyinin rəsmi səhifəsində yer alıb.
Qeyd olunub ki, "Deksametazon" preparatını COVID-19-lu ağır xəstələr üçün istifadə etmək lazımdır.
"Birləşmiş Krallıqda aparılan son tədqiqat nəticəsində deksametazon preparatının oksigen dəstəyinə ehtiyac duyan COVID-19-lu xəstələrdə ölüm riskini azaltdığı məlum olub. "Deksametazon" COVID-19-u yüngül keçirən və oksigen dəstəyinə ehtiyacı olmayan xəstələr üçün istifadə edilməməlidir. Bu məqsədlə istifadə üçün hər hansısa bir dəlil mövcud deyil və düzgün şəkildə istifadə edilmədikdə bu preparat ciddi şəkildə əks təsir göstərir", - deyə məlumatda bildirilib.
Qeyd edək ki, daha əvvəl Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində "Deksametazon"un xəstəliyin kritik vəziyyətində istifadə edilməməsini bildirib.
O qeyd edib ki, preparatı profilaktik məqsədlə istifadə etmək qətiyyən olmaz.
Femida.az
Oxunub: 1049
Oxşar xəbərlər
- ÜST-dən koronavirusla bağlı şad xəbər
- ÜST-dən vaksinin iki dozası ilə peyvəndlənənləri sevindirəcək XƏBƏR
- ÜST-dən koronavirusla bağlı şad xəbər
- ÜST-dən COVID-19-la bağlı XƏBƏRDARLIQ - Yeni ildən sonra...
- ÜST-dən Azərbaycanda karantin rejiminin yumşaldılmasına MÜNASİBƏT
- ÜST-dən Azərbaycanla bağlı açıqlama
- ÜST-dən qızılca xəbərdarlığı