Nikol Paşinyan Azərbaycanla avtomobil əlaqəsinin bərpasından danışıb
14:14 21 Dekabr 2021
Ermənistanın Baş naziri Nikol Paşinyan Azərbaycanla avtomobil əlaqəsinin mümkünlüyünü bəyan edib.
Femida.az “Sputnik Armenia”ya istinadən xəbər verir ki, o, bu barədə Gürcüstanın paytaxtı Tbilisidə səfərdə olarkən deyib.
"Artıq Azərbaycan Prezidenti İlham Əliyevlə dəmir yolu əlaqəsi ilə bağlı prinsipial razılaşma var. Söhbət Arazdəyən-Culfa-Ordubad-Mehri-Horadiz dəmir yolunun bərpasından gedir. Ümid edirik ki, bu işi 2-3 il ərzində yekunlaşdıracağıq", - N.Paşinyan bildirib.
Onun sözlərinə görə, əldə olunan razılaşmaların gerçəkləşdirilməsi üzərində çalışmaq lazımdır.
Baş nazir həmçinin Azərbaycanla avtomobil yolunun bərpasının mümkünlüyünü də vurğulayıb: “Nəzərinizə çatdırmaq istəyirəm ki, noyabrın 26-da Soçidə Rusiya Prezidenti Vladimir Putin və dekabrın 14-də Brüsseldə Avropa İttifaqı Şurasının Prezidenti Şarl Mişelin vasitəçiliyi ilə keçirilən görüşlərin yekununda Azərbaycanla avtomobil əlaqəsinin bərpasına dair razılaşmanın əldə olunması imkanı yaranıb”.
Qeyd edək ki, N.Paşinyan Tbilisidə Ermənistan-Gürcüstan hökumətlərarası iqtisadi-ticari əməkdaşlıq komissiyasının iclasında iştirak edib.
Oxunub: 484
Oxşar xəbərlər
- Nikol Paşinyan Moskvada işgüzar səfərdədir
- Nikolayev şəhərində güclü partlayış baş verib
- Nikol Paşinyan martda Türkiyəyə səfər edəcək
- Nikol Paşinyan Avropa Məhkəməsində Ermənistana qalib gəlib
- Nikol Paşinyanın istefasını tələb edən daha bir general işdən çıxarılıb
- Nikol Paşinyan Parisdə təhqir edildi
- Nikol Paşinyan istefa verəcəyi tarixi açıqladı
- Nikol Paşinyanın tərəfdarları qadın jurnalistə hücum çəkdi
- Nikol Paşinyanın atası öldü
- Nikol Paşinyanın istefası tələbi ilə İrəvanda aksiya keçirilir