Qəddafinin xəncəri İstanbulda tapıldı
22:27 13 İyun 2016
İstanbulda qaçaqmalçılığa qarşı aparılan əməliyyat zamanı Liviyanın keçmiş lideri Muammer Qəddafinin sarayından qarət edildiyi iddia olunan xəncər ələ keçirilib.
Femida.az-ın Türkiyənin NTV telekanalına istinadən verdiyi məlumata görə, xəncər 10 milyon dollara Səudiyyə Ərəbistanından olan iş adamına satılacaqdı.
Əməliyyat zamanı adları açıqlanmayan 3 nəfər saxlanılıb. Saxlanılanlardan biri xəncəri 3 ay əvvəl Liviyada 4 milyon 600 min dollara satın aldığını deyib.
Qeyd edək ki, sözügedən xəncər fil dişindən hazırlanıb. Xəncər zümrüd, yaqud, brilyant qaşları və qızıl işləmələrlə bəzədilib.
Femida.az
Oxunub: 2663
