“Dövlət bayrağı haqqında” qanuna dəyişiklik edilir
10:33 10 İyul 2019
“Azərbaycan Respublikasının Dövlət bayrağı haqqında” və “Azərbaycan Respublikası Dövlət bayrağının istifadəsi qaydaları haqqında” qanunlara dəyişiklik edilir.
Femida.az xəbər verir ki, dəyişiklik dəqiqləşdirmə xarakterlidir.
“Azərbaycan Respublikasının Dövlət bayrağı haqqında” qanunun 1-ci (Azərbaycan Respublikasının Dövlət bayrağının təsviri təsdiq edilsin) və 2-ci (Azərbaycan Respublikasının Dövlət bayrağı haqqında Əsasnamə təsdiq edilsin) hissələri ləğv edilib.
“Azərbaycan Respublikası Dövlət bayrağının istifadəsi qaydaları haqqında” qanunun isə 9-cu (Azərbaycan Respublikası Dövlət bayrağının istifadəsinə dair tələblər) maddəsinə dəyişiklik edilir.
Dəyişikliyə əsasən, Azərbaycan Respublikasının Dövlət bayrağı və onun təsviri, onların ölçülərindən asılı olmayaraq, Azərbaycan Respublikasının Konstitusiyasında və “Azərbaycan Respublikası Dövlət bayrağının təsvirinin təsdiq edilməsi haqqında” Konstitusiya qanununda müəyyən edilmiş tələblərə uyğun olmalıdır.
Maddənin 2-ci (Azərbaycan Respublikası Dövlət bayrağının sənaye üsulu ilə hazırlanması, düzəldilməsi, rəngli təsvirinin çapı zamanı onun mavi rənginin “Panton” rənglər kataloqunun Pantone 306C rənginə, qırmızı rənginin Pantone Red 032C rənginə, yaşıl rənginin Pantone 362C rənginə uyğunluğu təmin edilməlidir) hissəsi isə çıxarılıb.
Dəyişiklik layihəsi Milli Məclisin növbədənkənar sessiyasının iyulun 12-də keçiriləcək sonuncu plenar iclasında müzakirə olunacaq.
Femida.az
Oxunub: 1007
Oxşar xəbərlər
- Sumqayıtda bayraqla avtomobil təmizləyən 72 yaşlı şəxs saxlanılıb
- Qazaxıstanın Azərbaycandakı səfirliyində bayraq endirilib
- Parisdə Zəfər, Bayraq və Konstitusiya günləri qeyd edilib
- Şuşada dalğalanan Bayrağın günü - Klip
- Boqota şəhərinin simvolu Azərbaycan bayrağının rənglərinə bürünüb
- Azərbaycanda Dövlət Bayrağı günüdür
- Sabah hər kəs eyvanından bayraq assın
- ABŞ-ın Azərbaycandakı səfirliyində bayraq endiriləcək
- Vətən müharibəsinin Zəfər bayraqları - FOTOLAR
- “Vətən Müharibəsi Qəhrəmanı”nın tabutu bayraqla örtüləcək