XİN-in sabiq əməkdaşlarının şikayəti təmin edilməyib
11:08 15 İyul 2019
Bakı Apelyasiya Məhkəməsində Azərbaycana gələn əcnəbilərin viza rəsmiləşdirilməsi zamanı onlardan artıq pul almaqda təqsirləndirilən Xarici İşlər Nazirliyinin (XİN) Konsulluq idarəsinin beynəlxalq hava limanındakı viza şöbəsinin sabiq 3-cü katibi Elton Xəlilli və Nazirliyin digər keçmiş əməkdaşı Anar Quliyevin barəsində olan hökmdən verilən apellyasiya şikayətinə baxılıb.
Femida.az-ın məlumatına görə, hakim Habil Məmmədovun sədrliyi ilə keçirilən prosesdə qərar elan olunub. Qərara əsasən, təqsirləndirilən şəxslərin şikayəti təmin edilməyib.
Qeyd edək ki, 2018-ci il yanvarın 26-da Bakı şəhəri Beynəlxalq Hava Limanında ölkəyə gələn əcnəbilərin viza rəsmiləşdirilməsi zamanı xidməti vəzifə səlahiyyətlərindən sui-istifadə edərək qanunla müəyyən edilmiş ödəmələrdən artıq məbləğdə pul almış Xəlilli Elton Zakir oğlunun qanunsuz əməlləri ifşa edilib. Dövlət sərhəd nəzarəti prosedurlarında heç bir rüsum ödənilmədiyi halda, ölkəyə daxil olan xarici ölkə vətəndaşlarından əsassız olaraq müxtəlif məbləğlərdə pul almış Dövlət Sərhəd Xidmətinin (DSX) Hava nəqliyyatında sərhəd-nəzarət idarəsinin Beynəlxalq Hava Limanında zabit nəzarətçisi baş leytenant Zeynalov Lətif Fərhad oğlu və nəzarətçi gizir Qasımlı Zaur Taleh oğlu da cinayət başında saxlanılıblar.
Xəzər Rayon Məhkəməsinin hökmü E.Xəlilli 1 il 2 ay və A.Quliyev isə 1 il 3 ay müddətinə azadlıqdan məhrum edilib. Onların cəzaları həbs edildiyi gündən hesablanıb və məhkəmə zalından azadlığa buraxılıb. Hökmdən narazı qalan məhkumlar barələrində bəraət hökmünün çıxarılması ilə əlaqədar apelyasiya şikayəti veriblər.
Femida.az
Oxunub: 523
Oxşar xəbərlər
- "Tərtər işi" ilə bağlı 26 şəxs barəsində cinayət işi üzrə hökmlər ləğv edilib
- Əvəz Hafizlini öldürməkdə təqsirləndirilən şəxsə hökm oxunub
- Dələduzluqda təqsirləndirilən qadına hökm oxunub
- Bakıda özünü nazirliyin əməkdaşı kimi təqdim edən şəxsə hökm oxunub
- Qadınları cinsi istismara məruz qoyan şəxslərə hökm oxunub
- Sabirabadda arvadını intihar həddinə çatdırmaqda təqsirləndirilən şəxsə hökm oxunub
- Azərbaycan qadınlarını Türkiyədə cinsi istismara məruz qoyan şəxsə hökm oxunub
- Abşeronda piyadanı vuraraq öldürməkdə təqsirləndirilən şəxsə hökm oxunub
- Bakıda arvadını məftillə boğaraq öldürən şəxsə hökm oxunub
- Dələduzluqda təqsirləndirilən qadına hökm oxunub