Məhkəmə-hüquq islahatları çərçivəsində yeni institut yaradılır: Özəl məhkəmə ekspertləri
09:44 20 Dekabr 2019
Azərbaycan Respublikası Prezidentinin “Məhkəmə-hüquq sistemində islahatların dərinləşdirilməsi haqqında” 2019-cu il 3 aprel tarixli Fərmanı ilə başlanmış islahatlar çərçivəsində hazırlanmış ikinci qanunvericilik aktları paketi dekabrın 18-də Azərbaycan Respublikasının Prezidenti tərəfindən imzalanıb.
Sənədlər toplusunda nəzərdə tutulan yeniliklərin bir istiqaməti məhkəmə ekspertizasının keçirilməsi ilə bağlıdır. Belə ki, dəyişikliklərə əsasən:
- Özəl məhkəmə ekspertləri institutu yaradılır. Hazırda fəaliyyət göstərən dövlət məhkəmə ekspertizası idarələrinin ekspertləri ilə yanaşı özəl məhkəmə ekspertlərinə də ekspert rəylərini təqdim etmək hüququ verilir;
- Mülki işlər, habelə inzibati xətalara, kommersiya və ya inzibati mübahisələrə dair işlər üzrə fiziki və ya hüquqi şəxslərə, həmin şəxslərin vəkilləri və nümayəndələrinə məhkəmə ekspertizasını sifariş vermək hüququ verilib;
- Məhkəmə ekspertizasının keçirilməsi müddətləri məhdudlaşdırılır. İnzibati xətalara dair işlər üzrə bu müddət 10 günədək, mülki işlər, kommersiya və inzibati mübahisələrə dair işlər üzrə isə bu müddət xüsusi hallar istisna olmaqla 1 ayadək müəyyən edilib.
Qanuna edilən dəyişikliklərə əsasən, özəl məhkəmə eksperti şəhadətnaməsini almaq üçün aşağıdakı tələblərdən birinə cavab vermək kifayətdir:
• Ekspert qismində fəaliyyət göstərmək istədiyi ixtisas üzrə ən azı 10 il iş stajı;
• Ekspert qismində fəaliyyət göstərmək istədiyi ixtisas üzrə fəlsəfə doktoru və ya elmlər doktoru elmi dərəcəsi;
• Xüsusi biliklərə malik olduğunu təsdiq edən beynəlxalq səviyyədə tanınan sənədlərinin (diplom, sertifikat və sair) mövcudluğu.
Bu dəyişikliklər 2020-ci ilin martın 1-dən qüvvəyə minəcəkdir.
Femida.az
Oxunub: 3308
Oxşar xəbərlər
- Bakıda mənimsəmədə təqsirləndirilən qadının məhkəməsində şahid dindirilib
- Tərtərdə bacısını qətlə yetirməkdə təqsirləndirilən şəxsin məhkəməsi başlayır
- Tanışını öldürməyə cəhddə təqsirləndirilən şəxsin məhkəməsi başlayır
- Bakıda dələduzluqda təqsirləndirilən şəxs məhkəmə zalında həbs edilib
- Məhkəmə hakimlərinə məzuniyyətə çıxarkən verilən pul vəsaiti azaldılıb
- Konstitusiya Məhkəməsi sədrinin maaşı 1075 manat artırılıb
- Azərbaycanda məhkəmə hakimlərinin maaşı artırılıb
- Gəncədə tanışını qətlə yetirməkdə təqsirləndirilən şəxsin məhkəməsi başlayır
- Mixeil Saakaşvilinin məhkəməsi yenidən təxirə salınıb
- Bakıda 9 il əvvəl qətl törətməkdə təqsirləndirilən şəxsin cinayət işi məhkəməyə göndərilib