Səfirlik Dağıstanda tutulmuş 10 Azərbaycan vətəndaşı ilə bağlı məlumat yayıb
20:12 16 Fevral 2021
Azərbaycanın Rusiyadakı səfirliyi 15 iyun 2020-ci il tarixində Rusiya-Azərbaycan sərhədində baş vermiş qarşıdurma zamanı tutulan Azərbaycan vətəndaşları ilə bağlı məlumat yayıb.
Səfirlikdən Femida.az-a verilən məlumata görə, bu müddət ərzində yuxarıda qeyd olunan məsələ diqqətdə saxlanılıb, səfirliyin əməkdaşları tutulan şəxslərlə, eyni zamanda, Rusiyanın müvafiq dövlət orqanlarının nümayəndələri ilə görüşlər keçirib, səfirliyin səlahiyyətləri çərçivəsində Azərbaycan vətəndaşlarına hərtərəfli yardım göstərilib.
Bildirilib ki, Ceyhun Namazov, Elbrus Əhmədov, Nahid Ağayev, Əziz Fərəczadə, Elmar Mehtiyev, Tural Qiyasov və Elmar Musayev barəsində başladılan cinayət işinə xitam verilib və onlar sərbəst buraxılıb.
Ənvər Muradov Dərbənd rayon məhkəməsinin qərarı ilə 1 il müddətinə azadlıqdan məhrum edilib. Onun barəsindəki hökmdən apellyasiya şikayəti verilib.
Digər iki Azərbaycan vətəndaşı - Rövşən Hüseynov və Emin İmaməliyevə gəldikdə isə onlar Rusiya Cinayət Məcəlləsinin 318.2-ci maddəsi ilə ittiham olunurlar. Onların cinayət işi baxılması üçün Dağıstan Respublikasının Məhərrəmkənd rayon məhkəməsinə göndəriləcək. Hazırda həmin şəxslər ev dustaqlığındadırlar.
Azərbaycanın Rusiyadakı səfirliyi bu məsələni diqqətdə saxlamağa davam edəcək.
Qeyd edək ki, 15 iyun 2020-ci il tarixində Rusiya-Azərbaycan sərhədində (Dağlstanda) baş vermiş qarşıdurma zamanı 10 Azərbaycan vətəndaşı Rusiya Federasiyasının hüquq-mühafizə orqanları tərəfindən tutulub.
Oxunub: 548
Oxşar xəbərlər
- Səfirlik Ukraynadan Polşaya gələn azərbaycanlılara müraciət edib
- Səfirlik Türkiyədə oxuyan tələbələrə müraciət edib
- Səfirlikdən Zərifin Bakı səfəri ilə bağlı açıqlama
- Səfirlik Rusiyadakı Azərbaycan vətəndaşlarına müraciət edib
- Səfirlik Polşada azərbaycanlı tələbənin ölümü faktını nəzarətə götürüb
- Səfirlik ABŞ-dakı azərbaycanlılara müraciət etdi
- Səfirlikdən təkzib: “İrandan Azərbaycana atəş açılmayıb”
- Səfirlik Almaniyada yaşayan azərbaycanlılara çağırış edib
- Səfirlik azərbaycanlı tələbənin qətli ilə bağlı məlumat yaydı
- Səfirlik İran maşınlarının Qarabağa yanacaq və ərzaq daşımasını təkzib etdi