Rafael Cəbrayılovun cinayət işində zərərçəkmişlər məhkəməyə məcburi gətiriləcək
17:58 10 Mart 2022
Bu gün Bakı Ağır Cinayətlər Məhkəməsində Milli Məclisin sabiq deputatı, həbsxanada ölən Rafael Cəbrayılovun cinayət işi üzrə məhkəmə iclası davam etdirilib.
Femida.az-ın xəbərinə görə, hakim Əhməd Quliyevin sədrliyi ilə keçirilən proses təxirə salınıb.
Səbəb isə təqsirləndirilən şəxsin nümayəndəsi və hüquqi varisinin, eyni zamanda zərərçəkmişin məhkəməyə gəlməməsi olub.
Elan olunub ki, zərərçəkmiş Təranə Fətəliyeva ilə Vidadi Məmmədov məhkəməyə məcburi gətiriləcək. Bununla bağlı qərar çıxarılıb.
Məhkəmənin növbəti iclası martın 31-nə təyin edilib.
İttihama görə, Milli Məclisinin III, IV və V çağırış deputatı olmuş Cəbrayılov Rafael Kamil oğlu öz qulluq mövqeyindən istifadə edərək külli miqdarda ziyan vurmaqla dələduzluq törədib.
Baş prokuror yanında Korrupsiyaya qarşı Mübarizə Baş İdarəsində aparılan ibtidai istintaq zamanı R.Cəbrayılovun həmin vəzifədə olarkən qardaşı Cəbrayılov Rauf Kamil oğlu tərəfindən Bakı şəhər sakininə satılan Bakı şəhəri, Binəqədi rayonu, M.Ə.Rəsulzadə küçəsində yerləşən 2 hektar torpaq sahəsinə mülkiyyət hüquqlarının dövlət qeydiyyatına alınması barədə çıxarışın əldə edilməsində köməklik göstərilməsi ilə əlaqədar ona müraciət etmiş vətəndaşa bu barədə yalandan vəd edərək, həmin adla sözügedən vətəndaşdan 240 min manat məbləğində pul vəsaitini alıb, şəxsi ehtiyaclarına sərf etməsinə və bununla da vətəndaşa külli miqdarda ziyan vurmasına əsaslı şübhələr müəyyən edilib.
Qeyd edilən qanunsuz hərəkətləri ilə R.Cəbrayılovun deputatların fəaliyyətinin tənzimlənməsi sahəsində qüvvədə olan qanunvericiliyin tələblərinə əsasən vəzifələrini yerinə yetirməli olduğu halda öz qulluq mövqeyindən istifadə etməklə aldatma və etibardan sui-istifadə etmə yolu ilə özgə əmlakını ələ keçirməsinə dair əldə edilmiş kifayət qədər sübutlarla əsaslar müəyyən olunduğundan ona Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə ittiham elan edilib və barəsində məhkəmənin qərarı ilə həbs qətimkan tədbiri seçilib.
Xatırladaq ki, R.Cəbrayılov 2021-ci ilin sentyabr ayında Bakıdakı xəstəxanaların birində koronavirusdan dünyasını dəyişib.
Oxunub: 405
Oxşar xəbərlər
- Rafael Cəbrayılovun həyat yoldaşı məhkəmədə çıxış edib
- Rafael Cəbrayılovun cinayət işində zərərçəkmiş şəxslərdən biri məşhur iş adamıdır
- Rafael Cəbrayılov barəsində qaldırılan iddia üzrə məhkəmə başlayıb
- Rafael Cəbrayılov villasını 1,5 milyona satışa çıxardı - VİDEO
- Rafael Ağayev Moskvada qalib oldua
- Rafael Ağayev Moskvada finala çıxıb
- Rafael Cəbrayılovun deputat toxunulmazlığına xitam verildi
- Rafael Cəbrayılovun mandatı ləğv edildi
- Rafael Cəbrayılova cinayət işi açılacaq? - Baş prokuror danışdı
- Rafael Ağayev finalda uduzdu