Şeyx dini icmalarla bağlı tapşırıq verib
14:58 07 Fevral 2019
Qafqaz Müsəlmanları İdarəsində (QMİ) ötən ilin yekunlarına və qarşıda duran məsələlərlə bağlı müşavirə keçirilib.
İdarədən Femida.az-a verilən məlumata görə, toplantıda QMİ Mərkəzi Aparatının struktur bölmələrinin rəhbərləri, Qazılar Şurasının üzvləri və səlahiyyətli nümayəndələr iştirak edib.
QMİ sədrinin birinci müavini, müfti Salman Musayev müşavirəni açaraq Azərbaycanda din-dövlət münasibətlərinin yüksək səviyyədə olduğunu bildirib, Azərbaycan Prezidenti İlham Əliyevin din xadimlərinə maddi yardım göstərilməsi ilə bağlı sərəncamını yüksək dəyərləndirib, din-dövlət münasibətlərinin daha da inkişaf etdirilməsi üçün məscidlərdə çalışan din xadimlərinə tövsiyələrini verib. Müfti daimi diqqət və qayğıya görə dindarlar adından dövlət başçısına minnətdarlıq edib.
Ötən il həm Azərbaycanda, həm də müxtəlif xarici ölkələrdə QMİ-nin təşəbbüsü ilə beynəlxalq konfranslar keçirildiyini, həmin tədbirlərdə dünyanın nüfuzlu din xadimlərinin və alimlərinin iştirak etdiyini diqqətə çatdıran natiq bildirib ki, belə konfranslar ölkəmizdəki multikultural və tolerantlıq mühitinin dünya üçün bir nümunə olduğunu bir daha nümayiş etdirib. Sədrin birinci müavini qeyd edib ki, QMİ bu il dövlət qurumları ilə birgə ölkə daxilində və xaricdə bir neçə beynəlxalq konfrans keçirməyi planlaşdırır.
QMİ-nin Aparat rəhbəri Simran Həsənov şeyxülislam Allahşükür Paşazadənin dini mərkəzin fəaliyyətinin təkmilləşdirilməsi, şəffaflığın və hesabatlılığın təmin edilməsi ilə bağlı verdiyi əmr və tövsiyələrini müşavirə iştirakçılarının diqqətinə çatdırıb. Aparat rəhbəri bildirib ki, idarə sədrinin tapşırığına əsasən, dini icmaların fəaliyyətini gücləndirmək, problemləri və təklifləri öyrənmək üçün yerlərdə müntəzəm görüşlər keçiriləcək.
Müşavirənin sonunda Qazılar Şurası üzvlərinin, səlahiyyətli nümayəndələrin təklifləri dinlənilib, müzakirə aparılıb və tapşırıqlar verilib.
Femida.az
Oxunub: 359
Oxşar xəbərlər
- Şeyx Ərdəbil məscidinin imamı Amuliyə cavab verdi
- Şeyx yeni dini liderlər şurasının yaradılması təşəbbüsü ilə çıxış edib
- Şeyx: "Adambaşına 5-10 manat arası fitrə zəkatının verilməsi tövsiyə olunur"
- Şeyxülislamdan Ramazan təbriki
- Şeyx Beynəlxalq Dialoq Mərkəzinin növbəti vebinar iclasında iştirak edib
- Şeyxülislam Allahşükür Paşazadə bəyanat verib
- Şeyx və dini icma rəhbərlərindən ilə birgə MÜRACİƏT
- Şeyxülislam ABŞ səfiri ilə görüşüb
- Şeyxülislam Allahşükür Paşazadə Moskvada səfərdədir
- Şeyx qan verdi