Xocalı soyqırımı Uruqvay və Çili mətbuatında
12:49 26 Fevral 2019
Azərbaycanın Uruqvaydakı müvəqqəti işlər vəkili Emin İbrahimovun "Xocalı qətliamı - ədalət və sülh üçün davamlı çağırış" sərlövhəli məqaləsi Uruqvayın aparıcı xəbər portallarından olan Uruqvay Xəbərlər Agentliyi (Agencia Uruguaya de Noticias) tərəfindən yayılıb.
Femida.az-ın məlumatına görə, məqalədə Ermənistanın sabiq prezidenti Robert Köçəryanın azərbaycanlıların və ermənilərin etnik olaraq bir yerdə yaşamasının mümkün olmadığı və eks-prezident Serj Sarqsyanın Xocalı qətliamının qəsdən törədildiyi barədə Tomas de Vaala müsahibəsində dediyi məlum fikirlərə istinad edilib. Bu iki sabiq prezidentin fikirlərinin əslində Azərbaycana qarşı Ermənistanın həyata keçirdiyi işğal və etnik təmizləmə siyasətini yaxşı izah etdiyi bildirilib. Bu kontekstdə Xocalı qətliamının münaqişə kontekstində etnik təmizləmə siyasətinin ən faciəvi səhifəsi olduğuna diqqət çəkilib və bu günlərdə bu faciənin növbəti ildönümünün ərəfəsində olduğumuz xatırladılıb.
Hazırda Ermənistanın Azərbaycanın 20 faiz ərazisini işğal etdiyi, 1 milyondan artıq azərbaycanlının öz evindən qaçqın və didərgin düşdüyü, BMT TŞ-nin qətnamələrinin Ermənistan tərəfindən yerinə yetirilmədiyi yazıda vurğulanıb. Eyni zamanda, Xocalı faciəsinə görə əsas məsuliyyəti daşıyan şəxslərin hələ də cəzasız qaldığı qeyd edilıb.
Məqalədə qeyd edilib ki, Ermənistandan fərqli olaraq, Azərbaycan tərəfi hər iki xalqın nümayəndələrinin bir yerdə yaşamasının mümkünlüyünə inanır. O cümlədən, azərbaycanlıların və ermənilərin yenidən Azərbaycanın Dağlıq Qarabağ regionunda sülh şəraitində yaşaya bilməsinin mümkünlüyü vurğulanıb.
Eyni zamanda vurğulanır ki, bu sülhə nail olmaq üçün, Ermənistanın işğala son verməsi, Azərbaycanın ərazi bütövlüyünün bərpa olunması və azərbaycanlıların hazırda işğal altında olan evlərinə qayıtması zəruridir. Bu prinsiplərə əsaslanan sülhün həm də Xocalı qurbanlarının xatirəsinə böyük ehtiram olacağı fikri ilə məqalə sonlandırılıb.
Həmçinin geniş oxucu kütləsinə malik Latın Amerikasının Telesur TV, Çilinin “Diario Universidad de Chile”, İspaniyanın “Rebelion” xəbər portallarında Çilili jurnalist və beynəlxalq analitik Pablo Xofrenin “Xocalı bizdən xatırlamağı tələb edir” başlıqlı məqaləsi nəşr olunub.
Femida.az
Oxunub: 618
Oxşar xəbərlər
- Xocalı rayonunun Fərrux kəndi Azərbaycanın tam nəzarəti altına keçib - AÇIQLAMA
- Xocalı soyqırımından 30 il ötür
- Xocalının Sığnaq kəndindəki avtobus qəzasında yaralananların son vəziyyəti açıqlanıb
- Xocalıda yeni hərbi hissənin açılışı olub
- Xocalıda silah-sursat aşkarlanıb
- Xocalıda tikinti şirkətinin əməkdaşları minaya düşüb
- Xocalı Polis Şöbəsinə yeni rəis müavini təyin edilib
- Xocalı faciəsi ilə bağlı beynəlxalq simpozium keçirilib
- Xocalı qurbanları bir dəqiqəlik sükutla yad olundu
- Xocalı soyqırımından 29 il ötür