Zaxarova azərbaycanlılara: Ermənistana buraxmasalar, bizə deyin
17:58 15 Mart 2019
Moskva erməni əsilli Rusiya vətəndaşları ilə bağlı Rusiya XİN-in müraciətinə indiyə kimi Bakının cavabını almayıb.
“Sputnik-Armeniya”nın məlumatına görə, bu barədə Rusiya XİN rəsmi nümayəndəsi Mariya Zaxarova keçirdiyi brifinqdə söz açıb.
Xatırladaq ki, Rusiya Xarici İşlər Nazirliyi martın 12-də dolayısı yolla və ya birbaşa olaraq erməni mənsubiyyət əlamətləri olan Rusiya vətəndaşlarına müraciət edərək, Azərbaycana səfər planlaşdırmazdan əvvəl bütün riskləri hərtərəfli şəkildə ölçüb-biçməyə çağırmışdı.
“Məsləhətləşmələrə gəlincə, Rusiya tərəfi dəfələrlə azərbaycanlı həmkarlara yaranmış vəziyyətlə bağlı naharatlığını ifadə edib. Təəssüflər olsun ki, cavab gəlməyib”, - deyə Zaxarova bildirib.
“Mətbuatda guya analoji problemlərlə Azərbaycan əsilli Rusiya vətəndaşlarının da üzləşdiyi haqda şərhlərə və müsahibələrə rast gəldim. Şəxsən tanınmış şəxslərdən birinin (Rövşən Əskərov nəzərdə tutulur – red.) müsahibəsini oxuyub, yazılanlara çox təəccübləndim.
Yeri gəlmişkən, bu müsahibədə “Rusiya XİN nə üçün belə hallarla maraqlanmayıb?” deyə bir məzəmmət var. Bizə belə faktlar məlum deyil. Xahişimiz var, belə hallarla rastlaşdıqda bizi məlumatlandırın. Biz bölgədən və ya ölkədən asılı olmayaraq, buna reaksiya göstərəcəyik. Biz konkret hadisələrə reaksiya göstəririk”, - deyə Zaxarova bildirib.
Oxunub: 505
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"