Rezidentura imtahanının nəticələri bu tarixdə açıqlanacaq
09:03 08 Aprel 2019
Dövlət İmtahan Mərkəzi (DİM) aprelin 7-də baza ali tibb təhsili əsasında həkim-mütəxəssislərin hazırlanması məqsədilə rezidenturaya qəbul imtahanının I mərhələsini keçirib.
DİM-dən Femida.az-a verilən məlumata görə, imtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahan prosesinin gedişi nəzarətdə olub.
Aprelin 8-dən etibarən imtahan protokollarının və cavab kartlarının emalı aparılacaq. Nəticələrin yaxın 2-3 gün ərzində elan edilməsi nəzərdə tutulur.
Qeyd edək ki, rezidenturaya qəbul imtahanının birinci mərhələsi (baza fənləri üzrə biliklərin qiymətləndirilməsi) ilə əlaqədar namizədlərin müraciətlərinə baxılması üçün Apelyasiya Komissiyası yaradılıb. Apelyasiya Komissiyası Nəsimi rayonu, A. Salamzadə küçəsi, 28 (keçmiş Bakı Asiya Universitetinin binasında) ünvanında fəaliyyət göstərəcək. Namizədlər Apelyasiya Komissiyasına 8-10 aprel 2019-cu il tarixlərində saat 10:00-dan 17:00-dək şəxsiyyəti təsdiq edən sənədin əslini və surətini təqdim etməklə şəxsən müraciət edə bilərlər.
Femida.az
Oxunub: 398
Oxşar xəbərlər
- Rezidenturaya qəbul imtahanının birinci mərhələsinin nəticələri açıqlanıb
- DİM rezidenturaya sənəd qəbulu elan edib
- Rezidenturaya qəbulun nəticələri açıqlanıb
- Sabahdan rezidenturaya ixtisas seçimi başlanır
- Rezidenturaya qəbul imtahanının 2-ci mərhələsi keçirilir
- Rezidenturaya qəbul imtahanının ikinci cəhdinin nəticələri elan edilib
- Rezidenturaya və hərbi liseylərə imtahanlar keçirilib
- Rezidentura, dövlət qulluğu və doktoranturaya qəbul imtahanları keçirilib
- Bu gün rezidentura, dövlət qulluğu və doktoranturaya qəbul imtahanları keçiriləcək
- Kolleclərə və rezidenturaya sənəd qəbulu başlayıb