Nazirlik: Azərbaycanda 8 yeni xəstəxana istifadəyə veriləcək
16:18 15 İyul 2019
Hazırda 17 tibb müəssisəsində təmir-tikinti işləri aparılır.
Bu barədə Səhiyyə Nazirliyindən Femida.az-a bildirilib. Məlumatda bildirilir ki, bu müəssisələrdən biri - Şəmkir rayonunun Kür qəsəbəsində yerləşən xəstəxana sentyabrda əsaslı təmirdən çıxaraq fəaliyyət göstərəcək.
Nazirlikdən bildirilib ki, 8 yeni xəstəxana istifadəyə veriləcək. Bunlar 200 çarpayılıq Gəncə şəhər Psixiatriya Xəstəxanası, 200 çarpayılıq Şəki şəhər Psixiatriya, Goranboy Rayon Mərkəzi Xəstəxanası, Şəmkir Rayon Mərkəzi Xəstəxanası, Qazax Rayon Mərkəzi Xəstəxanası, Bakı şəhərində professor Gindes adına Uşaq və Yeniyetmələr üçün Respublika Vərəm Xəstəlikləri Sanatoriyası, Maştağa qəsəbəsində 7 saylı Birləşmiş Şəhər Xəstəxanasının yeni korpusu və Buzovna qəsəbəsində Sanator- Kurort Reabilitasiya Mərkəzinin (Publik Hüquqi Şəxs) binalarıdır.
Məlumatda qeyd olunub ki, 8 xəstəxanada (Qəbələ Rayon Mərkəzi Xəstəxanası, Xırdalan şəhərində Abşeron Rayon Mərkəzi Xəstəxanası, Füzuli Rayon Mərkəzi Xəstəxanası, Samux Rayon Mərkəzi Xəstəxanası, 2 nömrəli Sumqayıt şəhər Xəstəxanasının yeni binası, Salyan şəhərində Salyan Rayon Mərkəzi Xəstəxanasının Doğum evinin və Uşaq Xəstəxanasının əsaslı təmiri, Bakı şəhərinin Nizami rayonunda 11 nömrəli Birləşmiş Şəhər Xəstəxanasının sökülərək yenidən qurulması və onun ərazisində Təcili Tibbi Yardım Stansiyasının tikintisi və Sabunçu rayonunda 2 nömrəli Doğum evi) təmir-tikinti işləri davam etdiriləcək.
Qeyd edək ki, cari ilin birinci rübündə Qobustan Rayon Mərkəzi Xəstəxanasının tikintisi başa çatdırılaraq istismara verilib.
Femida.az
Oxunub: 533
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"