Yırtıcı heyvanlar mal-qaranı parçalayıb
14:33 06 Sentyabr 2019
Qubanın Küsnətqazma kəndində yırtıcı heyvanlar vətəndaşaların həyətyanı təsərrüfatına ziyan vurub.
Femida.az -ın verdiyi məlumata görə, son bir neçə gün ərzində naməlum yırtıcı 6 baş heyvanı parçalayıb, ikisini isə yaralayıb.
Vətəndaşlar ehtimal edirlər ki, heyvanlara hücum edən ayılardır. Onların sözlərinə görə, həm çöl şəraitində otlayan mal-qara, həm də həyətlərindəki inəklər vəhşi heyvanların hücumuna məruz qalıb. Kənd əhalisi son bir ayda bu kimi halların artdığını bildirib.
Faktla bağlı aidiyyatı dövlət qurumlarına müraciət olunub.
Oxunub: 437
