İranda rusiyalı jurnalist saxlanıldı
15:17 04 Oktyabr 2019
Rusiyalı jurnalist Yuliya Yuzik İranda saxlanılıb.
Bunu Rusiyanın İrandakı səfirliyinin mətbuat attaşesi Andrey Qanenko deyib.
Diplomatın sözlərinə görə səfirlik hazırda məsələni araşdırır.
Oktyabrın 4-də jurnalist Boris Voysexovski də Facebook səhifəsində Yuzikin Tehranda saxlanılması ilə bağlı məlumat yayıb. Bildirib ki, o, oktyabrın 3-də Tehranda saxlanılıb: “Onu həbsxana kamerasına yerləşdiriblər. Oktyabrın 6-da onun məhkəməsi olacaq. O, 10 il müddətinə azadlıqdan məhrum edilə bilər”.
Onun sözlərinə görə, Yuzik bir neçə il əvvəl Tehranda müxbir olaraq işləyib və bu yaxınlarda onu yenidən ölkəyə dəvət ediblər: “Tehranda hava limanında onun pasportunu alıblar. Bildiriblər ki, İrandan gedəndə qaytaracaqlar. Ancaq İslam İnqilabı Keşikçiləri Qvardiyasının əməkdaşları onun gecələdiyi mehmanxananın qapısını sındıraraq Yuliyanı aparıblar. Dünən ona Moskvaya zəng edib bir dəqiqə danışmağa icazə veriblər".
O deyib ki, kamerada yerdə oturub. Onu İsrailin xüsusi xidmət orqanları ilə əməkdaşlıqda ittiham edirlər: "Bu isə azı 10 il həbs deməkdir".
Yuzikin qızı anasının Facebook-dakı səhifəsində faktı təsdiqləyib. Yazıb ki, anası nənəsinə zəng edə bilib, o da öz növbəsində onunla əlaqə saxlayıb.
Yuzik "Komsomolskaya Pravda" qəzetinin redaksiyasında və "Rus Newsweek" jurnalında işləyib. 2003-cü ildən bəri ədəbi iş və jurnalist araşdırmaları ilə məşğuldur. 2003-cü ilin noyabr ayında onun Rusiyada özünü partladan terrorçu qadınların taleyindən bəhs edən "Allahın gəlinləri" adlı kitabı nəşr olunub. Kitab doqquz xarici ölkədə çap edilib. Sonra o, "Beslan lüğəti" kitabını yazıb.
Femida.az
Oxunub: 445
Oxşar xəbərlər
- İrandan Azərbaycana 53 kq-a yaxın narkotikin gətirilməsinin qarşısı alınıb
- İranda məcburi hicaba qarşı kampaniya başlayıb
- İranda yol qəzası olub, 14 nəfər ölüb
- İranda yaşayış binasında partlayış olub, ölənlər var
- İrandan Azərbaycana narkotik gətirən şəxslərin məhkəməsi başlayır
- İrandan Azərbaycana 22 kq-dan artıq narkotikin keçirilməsinin qarşısı alınıb
- İrandan Azərbaycana gətirilən bibərdə virus aşkarlanıb
- İranda partlayış baş verib, ölənlər var
- İrandan Azərbaycana narkotik keçirmək istəyən şəxs sərhədçilərə bıçaqla xəsarət yetirməyə cəhd edib
- İrandan gətirilən ərzaqlıq kartofda karantin tətbiq edilən zərərverici aşkar olunub