Cinayət materialları Baş Prokurorluğa göndərildi
23:26 06 Aprel 2015
Azərbaycan Hesablama Palatası ötən il apardığı yoxlamalar nəticəsində 2-si analitik olmaqla 82 nəzarət həyata keçirib, bəzi hallarda cinayət əlamətləri ehtimal olunan nəticələr aşkarlayıb.
Femida.az-ın APA-ya istinadən verdiyi məlumatına görə, bu, Hesablama Palatasının 2014-cü ildəki fəaliyyətinə dair hesabatında əksini tapıb.
Hesabatda bildirilir ki, hesabat ilində aparılmış nəzarət tədbirlərinin nəticələri barədə məlumatlar Azərbaycan Milli Məclisinə təqdim edilib, cinayət əlamətləri ehtimal olunan 4 tədbirin nəticələri üzrə müvafiq materiallar Azərbaycan Baş Prokurorluğuna göndərilib. Palata Vergilər Nazirliyi ilə birlikdə də nəzarət tədbirləri həyata keçirib, eyni zamanda 1 halda tikinti norma və qaydalarına əməl edilməsi vəziyyətinin yoxlanılması üçün Azərbaycan Baş Prokurorluğu yanında Korrupsiyaya qarşı mübarizə Baş İdarəsinə göndərilib.
Palatanın həyata keçirdiyi nəzarət tədbirlərindən 78-i dövlət büdcəsinin gəlir və xərclərini, 4-ü büdcədənkənar dövlət fondlarının (təsisatlarının) gəlir və xərclərini, 20 nəzarət tədbiri Naxçıvan Muxtar Respublikasının büdcəsini əhatə edib.
Hesabat ilində məxfi sahədə aparılmış iki nəzarət tədbirinin nəticələri müvafiq qanunvericiliyin tələblərinə uyğun olaraq bu Hesabata daxil edilməyib, lakin nəticələri barədə məxfi qaydada Azərbaycan Milli Məclisinə məlumat verilib.
Femida.az
Oxunub: 681
Oxşar xəbərlər
- Cinayətkar həbsxananın qarşısında tutuldu - Bakıda əməliyyat
- Cinayət-Prosessual Məcəlləsinə dəyişiklik edilir
- Cinayət Məcəlləsində dəyişiklik edildi
- Cinayət-Prosessual Məcəlləsinə dəyişiklik edilir
- Cinayət Məcəlləsinə 300-ə yaxın dəyişiklik edildi - FƏRMAN
- Cinayət törədən 38 nəfər bir gündə tutulub
- Cinayət Məcəlləsində daha bir dəyişiklik gözlənilir
- Cinayət Məcəlləsində kredit borcu ilə bağlı dəyişiklik
- Cinayət qanunvericiliyi hümanistləşdirilir - Milli Məclisdə müzakirələr
- Cinayətkar dəstənin daha bir üzvü tutuldu - Yarım milyon pul oğurlandı