SOCAR Türkiyənin qaz bazarında imkanlarını genişləndirəcək
10:32 15 Oktyabr 2019
Almaniyanın EWE şirkətinin Türkiyədəki törəmə müəssisələrinin SOCAR tərəfindən satın alınmasından sonra “SOCAR Turkey Enerji A.Ş.” (“SOCAR Türkiyə”) illik 3,5-4 mlrd. kubmetr qazın satışını təmin edəcək.
Bunu Femida.az -a "SOCAR Türkiyə"in Xarici əlaqələr üzrə rəhbəri Murat LeKompte (Murat LeCompte) deyib.
Xatırladaq ki, “EWE Turkey Holding”ə aid olan “Bursagaz”, “Kayserigaz”, “Enervis”, “EWE Enerji” və “Millenicom”un “SOCAR Türkiyə”yə satışı prosesi bu ilin iyununda tamamlanıb.
M. LeKomptenın sözlərinə görə, yeni aktivlərin əldə edilməsindən də əvvəl SOCAR Türkiyə ərazisində qazın satışını təmin edirdi. Məsələn, “SOCAR Türkiyə” Dövlət Neft Şirkətinin qardaş ölkə ərazisində fəaliyyət göstərən “Star” neft emalı zavodunu və “Petkim” neft-kimya kompleksini qaz ilə təmin edir. “EWE Turkey Holding”ə aid olan aktivlərin alınması ilə satış dairəsini daha da genişləndi.
Belə ki, M. LeKomptenin dediyinə görə, “Bursagaz” və “Kayserigaz” şəbəkələrinin əhatə etdiyi abonentlərin sayı 1,5 mln. təşkil edir və bu da böyük imkanlar açır: “Bu, böyük bir rəqəmdir. İnfrastrukturun inkişafı ilə əhatə edilən abonentlərin sayı daha da artacaq”.
Əlavə edək ki, bu ilin yanvarında satınalma sənədləri imzalanan və hazırda bu məsələyə dair bütün razılıqların əldə olunduğu 5 şirkət “Star” neft emalı zavodu, TANAP, “Petkim”, “SOCAR Terminal” və “Petkim Külək Enerjisi Stansiyası”nın (KES) da daxil olduğu “SOCAR Türkiyə”nin nəzdində fəaliyyət göstərir.
Oxunub: 489
Oxşar xəbərlər
- SOCAR ötən il 2 milyard manatdan çox xalis mənfəət əldə edib
- SOCAR-a yeni Baş geoloq təyin olunub
- SOCAR-dan itkin düşən əməkdaşı ilə bağlı RƏSMİ AÇIQLAMA
- SOCAR Mübariz Mənsimovun Türkiyədəki əmlakına həbs qoydurub
- SOCAR şəhid ailələri və qazilərə sahibkarlığa başlamaq üçün yardım edəcək
- SOCAR neft emalını kəskin artırıb
- SOCAR 2020-ci il üzrə maliyyə hesabatını açıqlayıb
- SOCAR "Rosneft"in Ukraynaya yanacaq tədarükü üzrə operatoru oldu
- SOCAR Gürcüstandakı yanacaqdoldurma məntəqələrini günəş enerjisi ilə təmin edir
- SOCAR Rusiya qazının tranzitini tamamlayıb