Dədə Qorqud eposu polyak dilində

13:17     09 Dekabr 2015

Azərbaycanın Polşadakı səfirliyinin təşəbbüsü ilə Azərbaycanın tanıdılması məqsədilə silsilə tədbirlər görülməkdədir.

Azərbaycanın Polşadakı səfirliyindən Femida.az-a verilən xəbərə görə, Azərbaycan haqqında polyakları ətraflı məlumatlandırmaq məqsədilə Azərbaycanın Polşadakı səfirliyi tərəfindən Ermənistan-Azərbaycan Dağlıq Qarabağ münaqişəsi, Azərbaycan Mədəniyyəti, Ədəbiyyatı, Fəlsəfə və Etikası, İncəsənəti, Musiqisi, Memarlığı, Tarixi, Eposları, Mətbəxi və Azərbaycan-Polşa seriyalarında 34 adda kitab artıq nəşr olunub.

Bununla əlaqədar, “Azərbaycan Eposları” seriyasında polyak dilində “Dədə Qorqud” dastanı Azərbaycanının Polşadakı səfirliyinin, Azərbaycan Diasporla İş üzrə Dövlət Komitəsinin və Adam Mitskieviç adına Poznan Universitetinin birgə əməkdaşlığı nəticəsində İSBN kodu ilə nəşr olunub. Kitab Polşa Respublikasının Mərkəzi və Universitet kitabxanalarına göndərilib.

Açar sözlər:

Oxunub: 465