Cəbhə bölgəsindəki əəhaliyə xəbərdarlıq: Naməlum əşyalara toxunmayın
12:12 29 Sentyabr 2020
Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) açıqlama yayıb.
Femida.az-a daxil olan açıqlamada deyilir:
2020-ci il 27 Sentyabr tarixində səhər saatlarında Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib.
Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) məlumat üçün bildirir ki, 2020-ci il 27 sentyabr tarixindən etibarən Agentlik tərəfindən cəbhə boyu ərazilərdə operativ və təxirəsalınmaz əməliyyat çıxışlarını həyata keçirmək məqsədilə çevik mobil əməliyyat qrupları yerləşdirilib.
Qeyd olunan qruplar eyni zamanda sakinlərə yerlərdə təhlükəsiz hərəkət qaydaları, Mina Təhlükəsinə dair Maarifləndirmə və xəbərdarlıq istiqamətində fəaliyyəti həyata keçirir.
Son günlərdə ermənilər tərəfindən davamlı olaraq artilleriya atəşinə məruz qalan yaşayış məntəqələri və əkin sahələri sursatlarla çirklənmiş ərazilərdir və atəşə tutulan bu ərazilər təhlükəli ərazi hesab olunur.
Bu səbəbdən Agentlik cəbhəboyu yerləşən ərazilərdə yaşayan sakinləri naməlum əşyalara toxunmamağı, xüsusilə də uşaqları tanımaqdıqları əşyalara əl vurmamağı və dərhal aidiyyatı üzrə müraciət etməyə çağırır.
Sakinlərə tövsiyə edirik ki, təhlükəli və ya şübhəli əşyalar barədə dərhal Azərbaycan Respublikası Daxili İşlər Nazirliyinin (DİN) "102" Xidməti-Zəng Mərkəzinə, Azərbaycan Respublikasının Fövqəladə Hallar Nazirliyinin (FHN) "112" Xidməti-Zəng Mərkəzinə, Rayon Polis Şöbələri (RPŞ), eləcə də Rayon İcra Hakimiyyəti orqanlarına məlumat versinlər.
Aparılan əməliyyat-axtarış tədbirləri barədə ictimaiyyətə davamlı olaraq məlumat veriləcək.
Femida.az
Oxunub: 657
Oxşar xəbərlər
- Cəbhəyanı ərazilərdə minalar, bombacıqlar aşkarlandı
- Cəbhəboyu ərazilərdə partlamamış hərbi sursat aşkarlandı - FOTO
- Cəbhəboyu ərazilərdə ermənilərin basdırdıqları sursatlar aşkarlandı
- Cəbhə boyu ərazilərdə 216 partlamamış hərbi sursat aşkarlanıb
- Cəbhəyanı ərazilərdə minlərlə piyada əleyhinə mina, mərmi qalıqları aşkarlandı
- Cəbhənin Xocavənd istiqamətində düşmənin canlı qüvvəsi məhv edilib - VİDEO
- Cəbhənin Xocavənd istiqamətində düşmənin “Tor-M2KM” ZRK-sı vurulub - VİDEO
- Cəbhəyanı ərazilərdə partlamamış hərbi sursat, minalar aşkarlandı
- Cəbhədən SON XƏBƏR
- Cəbhədən SON XƏBƏR