KİV: Paşinyan Yerevanda küçələri bağlatdırır
09:24 23 Noyabr 2020
Ermənistanın baş naziri Nikol Paşinyanın avtomobil karvanı paytaxt Yerevanda hərəkətdə olan zaman şəhərin bir sıra küçələrinin bağlanılmasına başlanılıb.
Bu barədə Femida.az Ermənistan mətbuatına istinadən xəbər verir.
Bildirlir ki, baş naziri müşayiət edən avtomobil karvanı şəhərdə hərəkətdə olanda Yerevanın küçələrində digər nəqliyyat vasitələrinin hərəkətinə icazə verilmir. Yerli KİV bunun sakinlərin narahatlığı ilə qarşılandığını vurğulayıb.
Yayılan videogörüntülərdə bu qərarın Yerevanda avtomobil sıxlığına səbəb olduğu əks olunur. Baş nazirin gəlişi zamanı küçələrdə nəinki avtomobillərin, piyadaların da hərəkəti məhdudlaşdırılır.
Qeyd edək ki, bu qayda son günlər ortaya çıxıb.
Xatırladaq ki, artıq bir neçə gündür Ermənistanda hakimiyyət əleyhinə kütləvi etiraz aksiyaları təşkil olunur. Aksiyaçılarla Paşinyanın tərəfdarları, habelə polis arasında dəfələrlə toqquşmalar baş verib. Nəticədə bir neçə nəfər xəsarət alıb, onlarla insan saxlanılıb.
Daha əvvəl yayılan məlumata görə, Paşinyan cangüdənlərinin sayını artıraraq mühafizəsini gücləndirib. Bildirilir ki, Ermənistanın baş naziri və xanımı Müqəddəs Eçmiədzin kilsəsinə xeyli sayda mühafizəçinin müşayiəti ilə gedib.
Femida.az
Oxunub: 364
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"