"Aqrar Mühəndislər" layihəsinin icrasına başlanılır
18:30 24 Mart 2021
Azərbaycan Respublikası Kənd Təsərrüfatı Nazirliyinin dəstəyi, “Aqrar İnkişaf Könüllüləri” Təşkilatının təşkilatçılığı, Bakı Mühəndislik Universiteti və Azərbaycan Dövlət Aqrar Universitetinin tərəfdaşlığı ilə “Aqrar Mühəndislər” layihəsinin icrasına və iştirakçıların qeydiyyatına start verilib.
Femida.az xəbər verir ki, "Aqrar Mühəndislər" layihəsinin əsas məqsədi mühəndislik ixtisası üzrə təhsil alan gənclərin aqrar sahəyə cəlb olunması, kənd təsərrüfatı sahəsində kadr potensialının artırılması və daha səmərəli istehsal sistemlərinin təşviq edilməsidir. Layihə müddətində gənclər mühəndislik texnologiyası biliklərinin aqrar sahədə tətbiq edilməsi haqqında geniş nəzəri və praktiki biliklər əldə edəcəklər.
Layihə 5 mərhələdə həyata keçirələcək. Layihənin ilk mərhələsində aqrar mühəndislik, layihələrin hazırlanması və idarə olunması üzrə təlimlər keçiriləcək. İkinci mərhələdə aqrar sahədə istehsal və emal müəssisələrinə ekskursiyalar təşkil olunacaq. Üçüncü mərhələ aqrar sahədə aktual mövzular üzrə müzakirələrə həsr olunacaq. Dördüncü mərhələdə ideyaların layihə formatında hazırlanması və münsiflər heyətinə təqdim edilməsini ehtiva edir. Layihənin sonuncu, beşinci mərhələsində isə seçilmiş gənclər üçün özəl və ya dövlət şirkətlərində qısamüddətli təcrübə proqramında iştirak etmək şəraiti yaradılacaq. Layihənin bütün mərhələlərini uğurla bitirən iştirakçılara sertifikatlar və hədiyyələr təqdim olunacaq.
Layihə əsasən gənclərə (tələbələrə) ünvanlanıb və maraqlananlar onlayn formada təqdim olunan link (https://bit.ly/39aMwMq) vasitəsilə 31 mart 2021-ci il saat 23.59-a kimi müraciət edə bilərlər.
Layihə çərçivəsində bəzi tədbirlər COVID-19 pandemiyası səbəbindən onlayn formatda təşkil olunacaq.
Regionlarda aqrar sahənin inkişafının təşviqi, gənclərin bu sahəyə cəlb olunmasının təşkili, kənd təsərrüfatında kadr potensialının inkişafına dəstəyin göstərilməsi məqsədilə “Aqrar İnkişaf Könüllüləri” Təşkilatı İctimai Birliyi 2018-ci il iyulun 11-də təsis edilib və 2018-ci il noyabrın 13-də dövlət qeydiyyatına alınıb. Təşkilat fəaliyyətə başladığı gündən aqrar sahə ilə bağlı mütəmadi tədbir və layihələr icra edir.
Layihə və müsabiqə ilə bağlı [email protected] elektron ünvanına müraciət edə bilərsiniz.
Femida.az
Oxunub: 376
Oxşar xəbərlər
- Aqrar Universitetin statusu dəyişib
- Aqrar Kredit və İnkişaf Agentliyinin hüquq və öhdəlikləri artırılıb
- Aqrar Kredit və İnkişaf Agentliyinin səlahiyyətləri artırılıb
- Aqrar Kredit və İnkişaf Agentliyinə yeni səlahiyyət verilib
- Aqrar Sığorta Fondunun Nizamnamə kapitalı və idarəetmə orqanları müəyyənləşib
- Aqrar Xidmətlər Agentliyi 38 nəfəri işə götürüb
- Aqrar Xidmətlər Agentliyinin mətbuat katibi işdən çıxıb
- Aqrar Xidmətlər Agentliyinin əsasnaməsi təsdiqlənib - FƏRMAN
- Aqrar xidmətlər elektronlaşdırılacaq
- Aqrar Xidmətlər Agentliyinə sədr təyin olundu