AZTV-də Heydər Əliyevin nadir kadrları nümayiş olunacaq
15:34 24 Aprel 2021
Azərbaycan Televiziyası (AzTV) Cəmşid Naxçıvanski adına hərbi liseyin yaradılmasının 50 illiyinə həsr olunan televiziya filmi hazırlayıb.
AzTV-nin Sosial media və ictimaiyyətlə əlaqələr şöbəsindən Femida.az-a verilən məlumatı görə, “Sabahın zabitləri” adlı filmdə liseyin tarixinə nəzər yetirilib, burada təhsil alanların müsahibələrinə yer ayrılıb.
Çəkilişlər liseydə aparılıb, təhsil ocağının Vətən müharibəsində iştirak etmiş qəhrəmanlarından da bəhs edilib.
Filmdə nadir kadrlar da yer alıb. Belə ki, lisey 1971-ci ildə ulu öndər Heydər Əliyevin təşəbbüsü ilə yaradılıb. Ümummilli lider 1973-cü ildə təhsil müəssisəsinin ilk məzun buraxılışında iştirak edib. Liseyin ilk məzunlarının da əks olunduğu nadir kadrlar filmdə nümayiş olunacaq.
Xatırladaq ki, 2019-cu ildə liseyin binası əsaslı təmirdən sonra istifadəyə verilib. Prezident İlham Əliyev açılışda iştirak edib. Həmin açılışdan olan kadrlar da filmdə əks olunacaq. “Sabahın zabitləri” filminin ssenari müəllifi Yaqub Əlioğlu, rejissoru Elvin Mirzəyev, operatoru Adil Abbasovdur.
Sənədli film bu gün - aprelin 24-ü saat 18:30-da AzTV-də yayımlanacaq.
Femida.az
Oxunub: 510
Oxşar xəbərlər
- AzTV-də yeni kadr təyinatı olub
- AzTV-də polis ehtiyatsızlıqdan açdığı atəş nəticəsində öldü
- AzTV-də audit yoxlaması aparılır
- AzTV-də bədbəxt hadisə baş verdi
- AzTV-dən aksiya ilə bağlı ittihamlara cavab - VİDEO
- AzTV-də yanacaq oğurlayan 9 sürücü işdən çıxarılıb
- AzTV-də kadr islahatları davam edir - YENİ TƏYİNATLAR
- AzTV-də daha bir təyinat
- AzTV-də Bakı Nəqliyyat Agentliyinin fəaliyyəti sərt tənqid edilib (VİDEO)
- AzTV-də Musiqi Qrupu yaradılır - Fotolar