Qvatemalada həbsxanada qiyam zamanı 6 nəfər həlak olub
10:54 20 May 2021
Qvatemalanın Kantel bələdiyyəsi ərazisində yerləşən həbsxanada baş vermiş qiyamın gedişatında azı altı insan həlak olub.
Femida.az xəbər verir ki, bu barədə ölkənin yanğınsöndürmə xidməti tvitterdəki səhifəsində bildirib.
"İlkin məlumatda altı nəfərin həlak olması haqqında bildirilir", - xidmət yazıb.
“Prensa Libre” qəzeti isə bildirib ki, həbsxanada qarışıqlıqlar düşmənçilik edən cinayətkar qruplaşmaların qarşıdurmasına görə başlayıb. Nəşrin məlumatına görə, 900 məhbus üçün nəzərdə tutulan cəzaçəkmə müəssisəsinə 2 252 məhkum yerləşdirilib.
Oxunub: 310
