Çavuşoğlu: "Ümid edirəm ki, Ermənistan bundan dərs çıxarar"
13:46 16 İyun 2021
“Biz Cənubi Qafqazın sabitlik və sülh bölgəsi olmasını istəyirik. Bundan da ən çox faydalanan Ermənistan və erməni xalqı olacaq. Çünki illərdir Ermənistan özünü təcrid edib, kənarlaşdırıb”.
Femida.az xəbər verir ki, bu fikirləri Türkiyənin xarici işlər naziri Mövlud Çavuşoğlu Antalya Diplomatiya Forumundan əvvəl baş tutmuş brifinqdə deyib.
“Ermənistanın öz səhvləri səbəbindən qonşuları ilə əlaqələri yaxşı olmayıb. Ümid edirəm ki, Ermənistan bundan dərs çıxarar və bölgəyə sülh və sabitlik hakim olar. Əlbəttə, bu sülh və sabitlik şəraitində iqtisadi artım və rifah olacaq, vacib layihələr həyata keçiriləcək. Hazırda vacib layihələr – quru yollar, dəmir yolları, nəqliyyat, logistika, ticarət üzrə layihələr müzakirə olunur. Bir qədər öncə dediyim kimi, bundan ən çox Ermənistan faydalanacaq, hamımız faydalanacağıq”, - XİN başçısı əlavə edib.
O vurğulayıb ki, Azərbaycan Ordusu 44 günlük müharibədən sonra öz torpaqlarını azad edib: "Hər kəs Azərbaycanın sərhədlərinin toxunulmazlığına və onun ərazi bütövlüyünə hörmət göstərməlidir. Uzun illər Azərbaycan bu məsələnin diplomatiya yolu ilə həlli üçün səbr edib. Amma təəssüflər olsun ki, bu məqsədlə başladılan təşəbbüslərin heç biri Azərbaycan torpaqlarının azad edilməsi üçün yetərli olmayıb. Əlbəttə, Azərbaycanın səbri sonsuz deyil və lazım olan edildi. Azərbaycan torpaqlarını azad etdi”.
Oxunub: 444
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"