Azay Quliyev: "Qrant siyasətimiz Qarabağda quruculuğa yönəldiləcək"
15:36 16 Avqust 2021
“QHT-lərə beynəlxalq təşkilatları ölkəyə dəvət etmələrinə dəstək olcağıq”.
Bunu Ağdama səfəri zamanı jurnalistlərə QHT-lərə Dövlət Dəstəyi Agentliyinin Müşahidə Şurasının sədri Azay Quliyev bildirib.
O qeyd edib ki, Agentliyin qrant siyasəti ilk növbədə Qarabağın quruculuğuna yönəldiləcək: "Bizim Qarabağa qayıdışla bağlı çox ciddi planlarımız var. Həm maddi, həm təşkilati, həm də informasiya baxımından... Beynəlxalq təşkilatları ölkəmizə dəvət etmələri üçün Azərbaycanda fəaliyyət göstərən QHT-lərə dəstək olacağıq. İlk növbədə ərazilərin minalardan təmizlənməsi prosesində beynəlxalq təşkilatların və xaricdə fəaliyyət göstərən QHT-lərin iştirakını təmin etməliyik. Bu, çox vacib məsələdir. Ərazilərin minalardan təmizlənməsi həyati əhəmiyyətə malikdir. Minalardan təmizlənmə olmasa, quruculuq işlərinin aparılması mümkün deyil. QHT-lər bu baxımdan böyük potensiala malikdirlər".
A.Quliyev əlavə edib ki, bundan başqa Azərbaycanın haqlı mövqeyini dünyada bir daha tanıtmaq üçün informasiya müharibəsinə xüsusi önəm verilməlidir: "Son vaxtlar ermənilər tərəfindən Azərbaycana qarşı yalan və böhtan xarakterli kampaniyaya başlanılıb. QHT-lər bu işlərdə fəal olmalıdırlar. Onlar gördüklərini olduğu kimi, yerli və xarici ictimaiyyətin diqqətinə çatdırmalıdırlar. Burada QHT-lərin kifayət qədər potensialı var ki, beynəlxalq təşkilatları, xüsusilə ATƏT, Avropa İttifaqı, BMT, Avropa Şurası və onun digər qurumlarını bu istiqamətdə məlumatlandırsınlar".
Oxunub: 1193
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"
