"Şuşa" sənədli filminin təqdimatı keçirilib
13:42 07 Noyabr 2021
Bu gün Beynəlxalq Muğam Mərkəzində Zəfər Günü ərəfəsində "SOCAR Media"nın dəstəyi ilə hazırlanmış "Şuşa" sənədli filminin təqdimatı keçirilib.
Femida.az xəbər verir ki, filmdə əsas yeri Qarabağın ürəyi olan Şuşanın işğaldan azad olunması uğrunda misilsiz qəhrəmanlıq nümunələri göstərmiş qazilərin bu möhtəşəm hərbi əməliyyatlar haqqında xatirə və təəssüratları tutur.
Çəkilişlər hadisələrin baş verdiyi yerlərdə - Şuşa ətrafındakı meşələrdə, qayalıqlarda və şəhərin içəri hissələrində aparılıb.
Şuşanı azad edən qəhrəman qazilər keçdikləri şanlı yolu yenidən canlandırıb və həmin həyəcan dolu anları hadisələrin baş verdiyi məkanlarda yada salıb, yaşadıqları duyğu və düşüncələri dilə gətirib. Şuşaya ilk bayraq sanacan qəhrəmanlarımızın xatirələri filmin ən təsirli məqamlarındandır.
Prezident İlham Əliyevin 44 günlük vətən müharibəsinin gedişində Şuşa haqqında söylədiyi fikirlər filmin leytmotivini təşkil edir. Filmdə Şuşanın işğalının epizodik xronikası da nümayiş etdirilir.
Düşmənin və ona havadarlıq edən qüvvələrin məkrli planları ifşa olunur, eləcə də həmin dövrdə Azərbaycanda baş alıb gedən siyasi dərəbəylik və güclü mərkəzi hakimiyyətin olmaması işğalın əsas səbəbi kimi göstərilir.
"Şuşa" sənədli filmi "SOCAR Media"nın sifarişi ilə "Qulp Studio" tərəfindən hazırlanıb. Filmin müəllifi əməkdar jurnalist Mübariz Əsgərov, rejissoru Elçin Elxanlı, prodüseri İntiqam Cəfərovdur.
Femida.az
Oxunub: 465
Oxşar xəbərlər
- Şuşanın adını daşıyan "Xarı Bülbül" komandası dağılır - Sponsor niyə tapılmır?
- İlham Əliyev və Mehriban Əliyeva Şuşada Yuxarı Gövhərağa məscidini ziyarət edib
- Xarici ölkələrin Azərbaycandakı diplomatlarının Füzuli və Şuşaya səfəri başlayıb
- Şuşada yaşayanlara tibbi xidmətlərin göstərilməsi qaydası açıqlanıb
- Şuşada Bəyannamənin birinci ildönümünə həsr olunan beynəlxalq konfrans başlayıb
- “Azərişıq” ASC-nin Şuşa Rəqəmsal İdarəetmə Mərkəzinin açılışı olub
- Şuşa və Ağdam şəhərlərinə may ayına olan biletlər satışa çıxarılıb
- Şuşada Dünya Azərbaycanlılarının V Qurultayı başlayıb, Prezident çıxış edir
- Ərdoğan Şuşa Bəyannaməsinin təsdiq edilməsi barədə qərar imzalayıb
- Baş qərargah rəisi qəfil Şuşa və Hadruta gedib